Ku itariki ya 20 Nzeri 2022, urukiko rw’umugi wa Partizansk ruherereye mu gace ka Primorye rwahamije icyaha mushiki wacu Liya Maltseva. Urwo rukiko rwamukatiye igifungo gisubitse cy’imyaka ibiri n’amezi atatu. Ntibizaba ngombwa ko ajyanwa muri gereza.

1. Ku itariki ya 22 Kamena 2021

   Ni bwo urubanza rwa Liya rwatangiye

2. Ku itariki ya 18 Kanama 2020

   Abasirikare bo mu rwego rushinzwe ubutasi n’abapolisi b’abamaneko, basatse inzu ya Liya kandi bafatira za Bibiliya, ibitabo na telefone ye. Nyuma yaho yajyanywe mu biro bishinzwe iperereza bajya kumuhata ibibazo

3. Ku itariki ya 9 Nyakanga 2020

   Ikigo cyo mu Burusiya kigenzura imitungo cyashyize mushiki wacu Liya ku rutonde rw’abantu bakora iterabwoba n’intagondwa

4. Ku itariki ya 1 Kamena 2020

   Liya yatangiye gukurikiranwaho ibyaha hagendewe ku mategeko yo mu gitabo Mpanabyaha cyo mu Burusiya. Yashinjwaga kwifatanya mu bikorwa by’umuryango wo mu rwego rw’idini wabuzanyijwe

Duterwa inkunga n’urugero rwiza rwo kwihangana rwa mushiki wacu Liya. Twizeye ko Yehova azakomeza kumuha imigisha kubera ko akomeza kumubera indahemuka.—1 Samweli 26:23.