12 NZERI 2023
U BURUSIYA

“Buri gihe Yehova aramfasha”

FUNGURA

Ku itariki ya 18 Kanama 2023, urukiko rw’umujyi wa Solikamsk ruherereye mu gace ka Perm rwahamije ibyaha umuvandimwe Vladimir Poltoradnev, Aleksandr Sobyanin n’umuvandimwe Vladimir Timoshkin. Baciwe amande y’amafaranga. Umuvandimwe Poltoradnev yaciwe angana na 8.081.145 Rwf, Sobyanin we yaciwe angana na 6.257.023 Rwf naho Vladimir Timoshkin yaciwe angana na 6.485.634 Rwf. Ntibizaba ngombwa ko bafungwa.

Icyo twabavugaho

Vladimir Poltoradnev

Igihe yavukiye: 1962 (Krasnoshekovo, mu ntara ya Orenburg)

Ibimuranga: Yakoraga mu bijyanye no gusana no kwita ku mashini zidoda

Amaze kumenya ibirebana n’ukuntu ubuhanuzi bwo muri Bibiliya bwagiye busohora, yashishikajwe no kwiga Bibiliya. Yabatijwe mu mwaka wa 2001

Ibyo yavuze

Ni iyihe nkuru yo muri Bibiliya yatumye urushaho kwiringira Yehova?

Gusoma inkuru yo muri 1 Samweli igice cya 17 no kuyitekerezaho, byaramfashije cyane. Dawidi yagize ubutwari bwo kurwanya Goliyati kubera ko yibukaga ko Yehova yagiye amufasha mu bihe byashize. Ku murongo wa 37 yaravuze ati: “Yehova wankuye mu nzara z’intare n’iz’idubu, ni we uzankiza amaboko y’uriya Mufilisitiya.” Igihe ushinzwe iperereza yanteraga ubwoba ko nshobora kuzamara imyaka icumi mfunzwe, nabanje kugira ubwoba. Ariko nahise nsa nureba amafoto y’ibyo Yehova yankoreye mu bihe byashize n’uko yamfashije maze bituma nshikama. Yehova ntashobora kwemera ko ibintu ntashobora kwihanganira bingeraho. Nzi neza ko igihe cyose aba ari kumwe nanjye.

Twizera tudashidikanya ko abantu bose biringira Yehova kandi bagakomeza kuba indahemuka, bazabona imigisha myinshi.—Zaburi 13:5, 6.

Uko ibintu byagiye bikurikirana

Ku itariki ya 28 Nyakanga 2020

Ingo zabo zarasatswe. Abo bavandimwe bose uko ari batatu, bafunzwe by’agateganyo
Ku itariki ya 29 Nyakanga 2020

Vladimir Timoshkin yararekuwe maze atangira gufungishwa ijisho
Ku itariki ya 30 Nyakanga 2020

Aleksandr yararekuwe maze amenyeshwa ko hari ibintu atemerewe gukora
Ku itariki ya 31 Nyakanga 2020

Vladimir Poltoradnev yararekuwe maze afungishwa ijisho.
Ku itariki ya 24 Nzeri 2020

Baretse gufungisha ijisho Vladimir Poltoradnev maze amenyeshwa ko atemerewe kurenga agace atuyemo.
Ku itariki ya 26 Ukwakira 2020

Baretse gufungisha ijisho maze Vladimir Timoshkin amenyeshwa ko atemerewe kurenga agace atuyemo.
Ku itariki ya 16 Gicurasi 2023

Ni bwo urubanza rwatangiye

a Ntitwabashije kuvugana n’umuvandimwe Vladimir Timoshkin.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU