Nataliya Kriger

• Igihe yavukiye: 1978 (Khabarovsk)

• Ibimuranga: Nyina yapfuye Nataliya ari uruhinja. Yabaye mu kigo k’imfubyi. Amaze kugira imyaka itandatu, yajyanywe mu gace ka Amurzet mu Burusiya, ku birometero 400. Yabanaga na nyirakuru, nyirasenge na mubyara we b’Abahamya ba Yehova. Akora akazi ko kwita ku bageze mu za bukuru

• Yabatijwe mu mwaka wa 1999. Yashyingiranywe na Valeriy mu mwaka wa 2017. Bakunda kubyina, kugenda mu bwato mu migezi no kuzamuka imisozi

Abayobozi bo mu Burusiya basatse urugo rwa Kriger muri Gicurasi 2018. Icyo gikorwa abayobozi bari bakise “Umunsi w’Urubanza.” Nyuma yaho, umushinjacyaha yakoreye idosiye Valeriy. Ku itariki ya 6 Gashyantare 2020, abayobozi batangiye kurega Nataliya. Ari muri bashiki bacu batandatu bashyikirijwe urukiko uwo munsi.

Uretse kuba Nataliya ashinjwa icyaha cy’ubutagondwa, nanone ababajwe cyane n’uko yapfushije nyirakuru muri Gashyantare 2020. Nataliya yari amaze imyaka itandatu amwitaho.

Kuba Nataliya afitanye na Yehova ubucuti bukomeye bimufasha kwihanganira ibyo bigeragezo. Agira ati: “Gusenga nsabira abandi bituma ntaheranwa n’ibibazo byange. Iki kigeragezo cyatumye Yehova arushaho kumba hafi kandi ndushaho kubyibonera. Nibonera ko asubiza amasengesho yange kandi akanshyigikira.”

Nataliya akunda gutekereza ku bintu byinshi bimwemeza ko Yehova azakomeza kumushyigikira. Agira ati: “Muri Zaburi 94:19 harankomeza rwose, kuko hagira hati: ‘Ihumure riguturukaho rikuyakuya ubugingo bwanjye.’ Hari abantu benshi ba kera n’abo muri iki gihe bagaragaje ubutwari bihanganira ibitotezo. Gutekereza kuri abo bantu birushaho kunkomeza.”