20 MUTARAMA 2022
U BURUSIYA

Kwishingikiriza kuri Yehova bituma Abahamya ba Yehova bo mu mugi wa Karpinsk bagira ukwizera gukomeye

FUNGURA

Vuba aha urukiko rw’umugi wa Karpinsk mu ntara ya Sverdlovsk ruzasoma umwanzuro w’urubanza ruregwamo mushiki wacu Darya Dulova, Venera Dulova, umuvandimwe Aleksandr Prianikov n’umugore we Prianikova Anastasiya na mushiki wacu Svetlana Zalyaeva. Umushinjacyaha nta gihano arabasabira

Uko ibintu byagiye bikurikirana

Ku itariki ya 27 Mutarama 2020

Aleksandr, Darya na Venera urukiko rwatangaje ko bahamwa n’icyaha mu rundi rubanza baregwagamo
Muri Gashyantare 2020

Aleksandr, Darya na Venera bakurikiranyweho ikindi cyaha
Ku itariki ya 30 Werurwe 2020

Abayobozi bagiye gusaka ingo zabo bafatira n’ibikoresho byabo bya eregitoronike
Ku itariki ya 19 Gicurasi 2020

Anastasiya na Svetlana bongewe mu idosiye y’urubanza. Bombi babujijwe kuva mu gace batuyemo
Ku itariki ya 29 Mata 2021

Ni bwo urubanza rwatangiye

Ibyo twabavugaho

Venera Dulova

Igihe yavukiye: 1968 (Karpinsk, mu gace ka Sverdlovsk)

Ibimuranga: Yarezwe na nyina hamwe na nyirakuru. Akunda kuboha, gusoma no kwiga. Nyina na nyirakuru bapfuye ataragira imyaka 17. Yashatse mu mwaka wa 1990. Afite abana batatu

Yajyaga yibaza impamvu dupfa nuko abana be bazabaho mu gihe kizaza. Yatangiye kwigana Bibiliya n’Abahamya ba Yehova afite imyaka 28. Yabatijwe mu mwaka wa 1998

Ibyo yavuze

Ni mu buhe buryo wiboneye ko Yehova yagufashije muri ibi bitotezo?

Abagize umuryango wange ubusanzwe bandwanyaga ndetse n’umugabo wange batweretse ko batwitayeho. Umugabo wange antera inkunga yo gukomeza kwihangana mu budahemuka. . . . Nanone Yehova adufasha akoresheje abavandimwe na bashiki bacu maze bakatubwira amagambo meza ateye inkunga.

Nyuma y’uko abayobozi baje kudusaka, ikintu nahise ntekereza, naribwiye nti: ‘Ntibishoboka, ubu ndimo ndashinjwa ibyaha. Ibyo byasaga naho ndimo kurota.’ Ariko hari inshuti yange yambwiye ngo aho gutekereza kuri ibyo ahubwo nkwiriye kumva ko ‘ nanesheje kimwe na Yesu.’

Aleksandr Prianikov

Igihe yavukiye: 1987 (Udinsk, mu gace ka Khabarovsk)

Ibimuranga: Akunda umuziki cyane. Acuranga icyuma cy’umuzika kitwa akorudewo. Yakoraga ibijyanye n’amashanyarazi mu ruganda. None ubu akora amakaro akoreshwa mu gutaka

Yemeraga ko Imana ibaho. Yashimishijwe cyane n’isezerano Imana itanga ry’uko abantu batazongera gupfa. Yabatijwe 2004. Yashakanye na Anastasiya mu mwaka wa 2011

Ibyo yavuze

Ni mu buhe buryo abavandimwe babateye inkunga muri ibi bihe?

Hari umuvandimwe waduteye inkunga yo gusuzuma Zaburi ya 139:1. Yatubwiye ko “Yehova adukunda cyane kandi ko azakomeza kwibuka ibyo dutekereza, uko twiyumva, ibyo tuvuga n’ibyo dukora. . . . Umwami Dawidi yari asobanukiwe ukuntu Yehova yita kuri buri wese muri twe. . . . Azirikana ibyo duhura na byo mu buzima bituma tuba abo turi bo muri iki gihe. Ntitugomba na rimwe kumva ko turi twenyine.” Ayo magambo yankoze ku mutima. Buri munsi numva ko Yehova amfasha.

Anastasiya Prianikova

Igihe yavukiye: 1987 (Karpinsk, mu gace ka Sverdlovsk)

Ibimuranga: We na musaza we mukuru barezwe na nyina. Akunda kuririmba no kudoda

Yakunze amasezerano yo muri Bibiliya avuga ko mu gihe kizaza hazabaho amahoro. Yabonye ko Bibiliya irimo inama zikwiriye kandi zirangwa n’ubwenge. Yabatijwe mu mwaka wa 2002. Yashakanye na Aleksandr mu mwaka wa 2011

Ibyo yavuze

Ni gute ubucuti ufitanye na Yehova bwarushijeho gukomera muri ibi bitotezo?

Mu gihe kigera hafi ku myaka itatu urubanza rumaze, ukwizera kwange kwarushijeho gukomera. Narushijeho kwiringira Yehova. Kandi narushijeho gusobanukirwa ko Yehova yita ku bagaragu be. Rimwe na rimwe iyo twashobewe, twibaza uko tubigenza aradufasha tukabyihanganira. Nanone nabonye ko uko ibigeragezo birushaho gukara ari ko mba nifuza kurushaho gukora ibyo Yehova ashaka.

Mu gihe abavandimwe na bashiki bacu bo mu Burusiya bakomeje gutotezwa, ukwizera kwacu kurushaho gukomera iyo twumvise ukuntu Yehova abarinda kandi akabitaho. Ukwizera kwabo kwageragejwe gutuma izina rya Yehova “ishimwe n’ikuzo n’icyubahiro.”—1 Petero 1:7.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU