9 GICURASI 2024
U BURUSIYA

“Mpanga amaso ku gihe kizaza”

FUNGURA

Urukiko rw’umujyi wa Lesosibirsk mu gake ka Krasnoyarsk, vuba aha ruzatangaza umwanzuro warwo mu rubanza ruregwamo umuvandimwe Andrey Shiyan. Ubushinjacyaha nta gihano buramusabira.

Icyo twamuvugaho

Andrey Shiyan

Igihe yavukiye: 1969 (Lesosibirsk, mu gace ka Krasnoyarsk)

Ibimuranga: Yakoraga mu bijyanye no kohereza no kugenzura ko ibicuruzwa byemewe n’amategeko

Yashakanye na Inna mu mwaka wa 1992. Bafite umwana umwe w’umukobwa

Inna, mama we na musaza we muto, ni bo babanje kwigana Bibiliya n’Abahamya ba Yehova. Andrey yemeye ubutumire nyuma atangira kujya mu materaniro. Nanone yashishikajwe n’ukuntu ibyo Bibiliya ivuga bihuje n’ukuri

Inna yabatijwe mu mwaka wa 2001 naho Andrey abatizwa mu mwaka wa 2002

Ibyo yavuze

Ni iki kigufasha gukomeza gutuza?

Niboneye ko ibivugwa mu Baroma 15:13 ari ukuri. Hagira hati: “Imana itanga ibyiringiro ibuzuzemo ibyishimo byose n’amahoro bitewe no kwizera kwanyu, kugira ngo mugire ibyiringiro bisaze binyuze ku mbaraga z’umwuka wera.” Gutekereza ku byiringiro mfite by’igihe kizaza bimfasha gutuza. Igihe cyose numva mfite ubwoba cyangwa ntangiye gushidikanya, mpita ntekereza nageze mu isi nshya. Iyo nkomeje kubitekerezaho nkasa n’ukurura iyo foto nkayizana imbere yanjye, bituma ntakomeza guhangayikishwa n’ibimbaho. Ngira imbaraga kandi ngakomeza guhanga amaso ku gihe kizaza, sinite ku bibazo mpanganye na byo.

Kimwe na Andrey, nimucyo dukomeze kubonera ihumure n’imbaraga ku masezerano ya Yehova ‘twiringira ijambo rye.’—Zaburi 119:114.

Uko ibintu byagiye bikurikirana

Ku itariki ya 25 Ugushyingo 2021

Urugo rwe rwarasatswe
Ku itariki ya 11 Mata 2023

Bongeye gusaka urugo rwe. Yatangiye gukurikiranwa mu nkiko. Anamenyeshwa ko atemerewe kurenga agace atuyemo
Ku itariki ya 29 Ukuboza 2023

Ni bwo urubanza rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU