Ku itariki ya 4 Ukwakira 2024, mushiki wacu Nataliya Sharapova wari ufungiwe mu Burusiya yarafunguwe. Ku itariki ya 10 Nyakanga 2024 yari yakatiwe igifungo cy’imyaka itatu. Kubera ko yari amaze imyaka hafi ibiri afunzwe by’agateganyo mbere y’uko akatirwa, ubu igifungo cye cyararangiye.

Igihe Nataliya yaburanaga yaravuze ati: “Mfite abavandimwe na bashiki bacu benshi bakomeje kunyereka ko bankunda. Yesu yaravuze ngo: ‘Ibyo ni byo bose bazabamenyeraho ko muri abigishwa banjye, nimukundana’ (Yohana 13:35). Ibikorwa byanjye byose bishingiye ku rukundo kandi ni rwo bizakomeza gushingiraho.”

Ubu Nataliya yongeye guhura n’abagize umuryango we kandi twizeye ko Yehova azakomeza kumugaragariza ‘urukundo rudahemuka’ hamwe n’abandi bagaragu be b’indahemuka.—Zaburi 59:16,17. Zab. 59:16, 17 Zab 59:16, 17