18 KANAMA 2021
U BURUSIYA

Mushiki wacu Viktoriya Verkhoturova akomeje kurangwa n’ibyishimo nubwo ashinjwa ibyaha

FUNGURA

Uko ibintu byagiye bikurikirana

Urukiko rw’akarere ka Priokskiy mu gace ka Nizhny Novgorod vuba aha ruzasoma umwanzuro mu rubanza ruregwamo mushiki wacu Viktoriya Verkhoturova. Ubushinjacyaha nta bihano buramusabira a
Ku itariki ya 17 Nyakanga 2020

Viktoriya yabujijwe kuva mu gace atuyemo
Ku itariki ya 26 Werurwe 2020

Ni bwo Viktoriya yatangiye gushinjwa ibyaha
Ku itariki ya 17 Nyakanga 2019

Abaporisi icumi hamwe n’ushinzwe iperereza bamaze amasaha atanu basaka inzu ya mushiki wacu. Bashyize Viktoriya mu cyumba gitandukanye n’umugabo we Sergey. Bagerageje gutera ubwoba Viktoriya bamubwira ukuntu ubuzima bwo muri gereza bugoye cyane

Icyo twamuvugaho

Viktoriya Verkhoturova

Igihe yavukiye: 1976 (muri Uzubekisitani)

Ibimuranga: Ni we muto mu bakobwa batatu bavukana. Ni umuforomokazi. Akunda koga no kuzamuka imisozi

Kuva akiri muto, yahoraga yibazaga impamvu abantu babaho igihe gito kandi yatinyaga urupfu. Amaze kubona ifoto igaragaza ukuntu ubuzima buzaba bumeze muri paradizo no kumenya ko urupfu ruzavaho, yahise atangira kwigana Bibiliya n’Abahamya ba Yehova. Yabatijwe mu mwaka wa 1998. Yashakanye na Sergey mu mwaka wa 2001

Ibyo yavuze

Ni iki cyagufashije gukomeza kurangwa n’ibyishimo kandi ntukomeze guhangayika?

Uretse kuba dusoma Bibiliya kandi tugasuzuma isomo ry’umunsi, twatangiye kujya dutega amatwi indirimbo zisanzwe zisohoka mu kiganiro cya tereviziyo yacu. Nanone buri munsi nsenga Yehova musaba ko yampa kugira ibyishimo no gukomeza gukunda abanzi bange kandi ibyo bituma nkomeza kugira ibyishimo.

Ni mu buhe buryo ibyakubayeho byatumye ubucuti ufitanye na Yehova burushaho gukomera?

Narushijeho kubona ko Yehova ariho koko. Ni Data urangwa n’impuhwe kandi unyitaho. Nabonye ukuntu yadufashije nge n’umugabo wange. Nkunda kumusenga kandi iyo ndi mu rubanza mba numva ari iruhande rwange. Bituma numva ntuje kandi nifitiye ikizere.

Ese hari umurongo w’Ibyanditswe wagufashije kwihangana?

Ni Zaburi ya 118:6, 7. Iyo mirongo inyibutsa ko abanzi bacu ari ubusa ubagereranyije n’Umuremyi w’ijuru n’isi. Ashobora byose kandi abantu nta cyo bakora ngo bamubuze gusohoza umugambi we. Simpangayitse kuko numva ndinzwe n’Imana!

Nubwo Abavandimwe na bashiki bacu bo mu Burusiya bahanganye n’ibigeragezo, Yehova atuma bakomeza kurangwa n’ibyishimo. Tuzi ko azakomeza kubaha “ibyishimo n’amahoro.”—Abaroma 15:13.

a Hari igihe kumenya itariki urubanza ruzabera biba bitoroshye.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU