21 NZERI 2022
U BURUSIYA

Nabonye impamvu zo kwishima

FUNGURA

Urukiko rw’akarere ka Krasnoyarsk rugiye gutangaza umwanzuro w’urubanza ruregwamo umuvandimwe Aleksandr Filatov. Umushinjacyaha ntaramusabira igihano.

Uko ibintu byagiye bikurikirana

Ku itariki ya 9 Nyakanga 2021

Ni bwo Aleksandr yatangiye gukurikiranwa mu rukiko. Bamushinje ko ashyigikiye ibikorwa by’umuryango w’intagondwa
Ku itariki ya 11 Nyakanga 2021

Inzu ye barayisatse
Ku itariki ya 13 Nyakanga 2021

Yarafashwe kandi ajyanwa mu biro bya Minisiteri y’Ubutegetsi bw’Igihugu
Ku itariki ya 15 Nyakanga 2021

Bamujyanye kumufunga by’agateganyo
Ku itariki ya 20 Mutarama 2022

Urubanza rwaratangiye

Icyo twamuvugaho

Aleksandr Filatov

Igihe yavukiye: 1984 (Sharypovo, mu gace ka Krasnoyarsk)

Ibimuranga: Yakoze akazi k’ubwubatsi n’akajyanye n’amashanyarazi

Mama we ni we wamubwiye ibya Bibiliya bwa mbere. Yabatijwe mu mwaka wa 1994 aba Umuhamya wa Yehova

Yashakanye na Yelena mu mwaka wa 2007. Bafite abana babiri b’abahungu

Ibyo Yelena umugore wa Aleksandr yavuze a

Ni iki cyafashije Aleksandr kwihangana igihe yari afunzwe?

Aleksandr yandikaga imigisha yose yabonaga. Nanone yandikaga impamvu zituma agira ibyishimo. Mu bibazo ahura nabyo byose agerageza kubonamo ibyiza. Nanone yavuze ko gusoma Bibiliya no gusenga byatumye akomeza gutuza.

Nanjye nagerageje kumufasha. Iyo nitegura kumwandikira, nshakisha ibintu byamutera inkunga, urugero nk’imirongo yo muri Bibiliya nasomye cyangwa amagambo ateye inkunga abavandimwe na bashiki bacu bambwiye.

Ukuntu Aleksandr yagaragaje ukwizera bitwibutsa ko Yehova aha imigisha abamukorera ‘bishimye.’—Gutegeka kwa Kabiri 28:47

a Igihe twateguraga iyi ngingo, umuvandimwe Filatov yari afunzwe by’agateganyo. Ubwo rero ntitwabonye uko tugira icyo tumubaza.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU