2 UKUBOZA 2022
U BURUSIYA

“Ndimo gukora ikintu cy’agaciro”

FUNGURA

Urukiko rw’akarere ka Leninskiy ruhereye mu gace ka Tambov, vuba aha ruzatangaza umwanzuro warwo mu rubanza ruregwamo umuvandimwe Oleg Sirotkin. Ubushinjacyaha nta gihano buramusabira.

Icyo twamuvugaho

Oleg Sirotkin

Igihe yavukiye: 1964 (Yaroslavl, mu gace ka Yaroslavl)

Ibimuranga: Ashinzwe ibijyanye no kugurisha ibintu mu ruganda rukora imiti

Yashakanye na Nataliya mu mwaka wa 2000. Yamenyanye n’Abahamya bwa mbere igihe mama we yatangiraga kwiga Bibiliya. Yashimishwaga nuko ibibazo byose yabazaga yabonaga ibisubizo byabyo muri Bibiliya. We n’umugore we babatijwe mu mwaka wa 2007

Bafite abakobwa babiri

Ibyo yavuze

Ni ki cyagufashije gukomeza gutuza muri ibi bigeragezo?

Mbere gato yuko njya mu rubanza bwa mbere, hari umuvandimwe wanyibukije ibintu byiza. Yarambwiye ati: “Uzirikane ko icyo urukiko rwakwemeza cyose, mu maso ya Yehova wamaze gutsinda. Ntabwo ugiye mu rukiko kuburana, ahubwo ujyanywe no kuvuganira izina ry’Imana n’ubutegetsi bwayo bw’ikirenga. Kandi ibyo ni inshingano yiyubashye.” Nanone yongeyeho ati: “Uzumva ari nk’aho Papa wawe wo mu ijuru agufashe ukuboko akuyoboye mu rukiko. Kandi rwose azakuba hafi.” Ibyo uwo muvandimwe yambwiye byarankomeje, bituma ngira ubutwari kandi binyibutsa ko narimo gukora ikintu cy’agaciro.

Urugero rwa Oleg rutwibutsa neza ko iyo umuntu afite ukwizera gukomeye, ‘atazatinya inkuru mbi. Umutima we urashikamye, wiringira Yehova.’—Zaburi 112:7.

Uko ibintu byagiye bikurikirana

Werurwe 2021

Batangiye kumukurikirana mu ibanga. Bashyize ibikoresho bifata amajwi muri salo ya Oleg kandi bafashe amafoto y’ibyo akorera kuri mudasobwa
Ku itariki ya 14 Nzeri 2021

Yatangiye gukurikiranwa mu rukiko
Ku itariki ya 21 Nzeri 2021

Basatse urugo rwe kandi Mudasobwa ye n’ibindi bintu byarafatiriwe maze babyifashisha nk’ibihamya bimushinja
Ku itariki ya 22 Ukwakira 2021

Bafatiriye imodoka ye
Ku itariki ya 11 Mata 2022

Ni bwo urubanza rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU