6 UKUBOZA 2023
U BURUSIYA

“Nta kigeragezo gishobora gutuma tureka Yehova”

FUNGURA

Urukiko rw’akarere ka Kemerovo ruzatanga umwanzuro w’urubanza ruregwamo umuvandimwe Aleksandr Tsikunov. Umucamanza ntaragaragaza igihano yasabiye umuvandimwe Tsikunov

Icyo twamuvugaho

Aleksandr Tsikunov

Igihe yavukiye: 1967 (Kaltan)

Ibimuranga: Yakoze imirimo ijyanye n’ubwubatsi

Yashakanye na Yelena mu mwaka wa 1989

Ntiyemeraga Imana. Yabwirijwe n’Umuhamya wa Yehova. Mbere y’uko atangira kwiga Bibiliya, yayisomye mu mezi atandatu arayirangiza. Yabatijwe mu mwaka wa 1997. Yabwirije mama we, mushiki we mukuru n’umugore we, kandi bose baje kuba Abahamya ba Yehova

Ibyo yavuze

Ni iyihe nkuru yo muri Bibiliya yagufashije by’umwihariko muri ibi bihe bigoye?

Inkuru y’umuhanuzi Daniyeli yanteye inkunga. Muri Daniyeli 6:4, 5, hagira hati: “Muri icyo gihe, abo batware bakuru n’abatware bandi bahoraga bashakisha impamvu y’urwitwazo yo kurega Daniyeli ku birebana n’uko yasohozaga inshingano ze zirebana n’ubwami; ariko ntibashoboye kubona impamvu yo kumurega cyangwa ngo bamuboneho ubuhemu, kuko yari uwiringirwa kandi nta burangare cyangwa ubuhemu bamubonyeho. Nuko abo bagabo baravuga bati “nta mpamvu tuzabona yo kurega Daniyeli, keretse nituyishakira mu mategeko y’Imana ye.” Nta cyaha babonaga kuri Daniyeli, ni yo mpamvu bashatse ikintu bamushinja kijyanye no gusenga Imana ye. Bamushyiriyeho abantu bamucunga kugira ngo barebe ko arenga ku itegeko umwami yari yatanze. Ariko yakomeje gusenga Yehova nk’uko yari asanzwe abigenza. Daniyeli ni umwe mu bagaragu ba Yehova benshi bagaragaje ko nta kigeragezo gishobora gutuma tureka Yehova. Urwo rugero rwa Daniyeli rwamfashije gukomera ku mwanzuro nafashe wo gukorera Yehova.

Dushimira Yehova cyane kubera izo ngero z’abantu benshi babaye indahemuka zitwereka ko nta muntu uzizera Yehova n’umwana we Yesu Kristo uzakorwa n’isoni.—Abaroma 10:11.

Uko ibintu byagiye bikurikirana

Ku itariki ya 27 Mata 2021

Batangiye kumushinja ibyaha
Ku itariki ya 2 Gicurasi 2021

Basatse inzu ye. Baramufashe bamujyana muri gereza
Ku itariki ya 4 Gicurasi 2021

Bamuvanye muri gereza afungirwa mu rugo
Ku itariki ya 24 Kamena 2021

Baramufunguye ariko bamubuza gukora ingendo
Ku itariki ya 25 Nyakanga 2023

Urubanza rwaratangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU