Ku itariki ya 10 Ukwakira 2022, urukiko rw’akarere ka Kezhemskiy mu gace ka Krasnoyarsk rwahamije icyaha umuvandimwe Ildar Urazbakhtin. Yakatiwe igifungo gisubitse cy’imyaka itatu kandi ntibizaba ngombwa ko ajya muri gereza.

1. Ku itariki ya 20 Nyakanga 2021

   Ingo zigera kuri eshanu z’Abahamya ba Yehova bo mu mujyi wa Kodinsk, harimo n’urwa Ildar n’umuryango zarasatswe. Baramufashe bajya kumufunga by’agateganyo

2. Ku itariki ya 21 Nyakanga 2021

   Yararekuwe maze afungishwa ijisho. Ntiyari yemerewe gukoresha telefone cyangwa interineti

3. Ku itariki ya 20 Nzeri 2021

   Yavaniweho gufungishwa ijisho, amenyeshwa ko atemerewe kurenga mu gace atuyemo

4. Ku itariki ya 13 Mutarama 2022

   Yashinjwe kugirana n’abandi ibiganiro kuri videwo aho “yashishikarije abantu kwiga Bibiliya kandi agatera inkunga abavandimwe na bashiki bacu gufashanya”

5. Ku itariki ya 30 Werurwe 2022

   Ni bwo urubanza rwatangiye

Ibyabaye kuri Ildar n’abandi bavandimwe na bashiki bacu bo mu Burusiya bitwibutsa ko Yehova yiteguye kudufasha mu “gihe cy’amakuba.”—Zaburi 46:1.