31 UKWAKIRA 2023
U BURUSIYA

“Ntukitegereze umuyaga”

FUNGURA

Urukiko rw’akarere ka Sovietskiy mu ntara ya Krasnodar vuba aha ruzatangaza umwanzuro warwo, mu rubanza ruregwamo umuvandimwe Aleksey Lelikov. Nta gihano ubushinjacyaha buramusabira

Icyo twamuvugaho

Aleksey Lelikov

Igihe yavukiye: 1960 (Krasnodar, mu gace ka Krasnodar)

Ibimuranga: Yigishaga umuzika

Yashakanye na Irina mu mwaka wa 1979. Bafite abana babiri, umuhungu n’umukobwa

Aleksey na Irina bombi ntibemeraga Imana. Aleksey yateshwaga umutwe n’ibitekerezo by’abantu. We n’umugore we batangiye kwigana Bibiliya n’Abahamya ba Yehova. Bombi babatijwe mu mwaka wa 1994

Ibyo yavuze

Ni iki cyagufashije guhangana n’ikibazo cyo guhangayika?

Hashize amezi make iperereza ritangiye, nasanze akenshi narahangayikishwaga n’ibizambaho kandi ngatangira kwigirira impuhwe cyane. Nari meze nka Petero, igihe yatangiraga kureba umuyaga mwinshi (Matayo 14:30). Hari ijoro rimwe, numvise mpangayitse cyane. Natangiye gusenga cyane ninginga Yehova ngo amfashe gutuza. Iryo joro narasinziriye cyane. Bukeye nongeye kumva mpangayitse cyane. Narongeye ndasenga kandi ngira icyo nkora, kugira ngo ntegeke ibitekerezo byanjye. Naratekereje nti: “Yehova na Yesu ni incuti zanjye, ubwo rero nanjye ngomba kubereka ko ndi incuti yabo koko, ngira ubutwari no kwizera. Si ngombwa ko mpangayikishwa n’ibizaba ejo, cyangwa ngo nitegereze umuyaga.” Niboneye neza ko Yehova ari we wenyine, utanga amahoro no gutuza.

Iyo tubonye ukuntu abavandimwe na bashiki bacu bagaragaza umuco wo kwihangana, bituma tugira ukwizera gukomeye kandi tukiringira isezerano Yehova, yaduhaye ry’uko ‘azacubya imiyaga’ y’imihangayiko twahura nayo yose.—Zaburi 107:28, 29.

Uko ibintu byagiye bikurikirana

Ku itariki ya 20 Mutarama 2022

Yatangiye gukurikiranwa mu nkiko
Ku itariki ya 28 Mutarama 2022

Urugo rwa Lelikov rwarasatswe. Aleksey yajyanywe guhatwa ibibazo kandi bahise bamurekura
Ku itariki ya 16 Gashyantare 2023

Urubanza ni bwo rwatangiye

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU