Ku itariki ya 31 Werurwe 2020, urukiko rw’intara ya Lensky muri Sakha ruzatangaza umwanzuro w’urubanza rw’Umuhamya witwa Igor Ivashin. Umushinjacyaha yasabye ko yakatirwa igifungo k’imyaka irindwi.

Muri Gashyantare 2018, urukiko rwo mu mugi wa Yakutsk rwasabye abaporisi kumviriza ibyo Ivashin avugira kuri terefoni. Hashize amezi runaka, abayobozi bo muri ako gace bigabije ingo umunani z’Abahamya, harimo n’urwa Ivashin. Icyo gihe we n’abandi Bahamya 21 bahise bajyanwa ku biro bya porisi, bajya kubahata ibibazo. Umushinjacyaha yashinje Ivashin icyaha cyo gutegura amateraniro y’umuryango ushinjwa ibikorwa by’ubutagondwa.

Ku itariki ya 20 Ugushingo 2019, urubanza rwe rwasubijwe mu biro by’ubushinjacyaha kuko nta bihamya bifatika byagaragazaga ko yakoze icyo cyaha. Umushinjacyaha yarajuriye maze urubanza rwe rusubizwa mu rukiko rw’akarere. Rwatangiye kuburanisha mu ntangiriro za Gashyantare 2020.

Ivashin afite umugore n’abana babiri b’abakobwa. Muri iki gihe agikomeje kuburanishwa, dukomeje gusenga dusaba ko abagize umuryango we bakomeza ‘kwihanganira ingorane zose bafite ibyishimo.’—Abakolosayi 1:11.