3 KANAMA 2021
U BURUSIYA

Umuvandimwe Andrey Okhrimchuk akomezwa no kwishingikiriza kuri Yehova

FUNGURA

Uko ibintu byagiye bikurikirana

Ku itariki ya 2 Kanama 2021

Urukiko rw’akarere ka Leninskiy mu gace ka Rostov-on-Don rwahamije icyaha umuvandimwe Andrey Okhrimchuk. Urwo rukiko rwamukatiye igifungo gisubitse k’imyaka ine. Ubu ntibizaba ngombwa ko ajyanwa muri gereza
Ku itariki ya 5 Mata 2021

Ni bwo urubanza rwatangiye
Ku itariki ya 29 Ukwakira 2020

Yatangiye gukurikiranwaho ibyaha. Ashinjwa kwifatanya mu materaniro no mu bikorwa by’umuryango ushinjwa ubutagondwa
Ku itariki ya 22 Gicurasi 2019

Mu gitondo cya kare abaporisi bipfutse mu maso, baje gusaka urugo rwa Andrey n’imodoka ye

Icyo twamuvugaho

Andrey Okhrimchuk

Igihe yavukiye: 1979 (Korosten, muri Ukraine)

Ibimuranga: Yize ibijyanye no gukanika. Mbere y’uko aba Umuhamya wa Yehova yabanje kuba umusirikare

Yashakanye na Yekaterina mu mwaka wa 2006. Bashimishijwe no kubona uko ubuhanuzi bwo muri Bibiliya busohora. Babatijwe mu mwaka wa 2007. Bafite umukobwa ukiri muto

Ibyo yavuze

Ni mu buhe buryo ibigeragezo uhanganye na byo byatumye urushaho kuba inshuti ya Yehova?

Iyo Yehova atamfasha sinzi niba nari gushobora kwihanganira ibyo bigeragezo. Mu buzima bwange si nari narigeze nsenga kenshi nk’uko mbikora ubu. Nabwiraga Yehova ibimpangayikishije kandi nkamusaba kunyongerera ukwizera n’ubutwari kugira ngo ntagira ikintu icyo ari cyo cyose cyangwa umuntu uwo ari wese ntinya. Naje kwibonera ko Yehova yumva amasengesho yange kandi ko aba yiteguye kugira icyo akora.

Ni iki cyagufashije gukomeza kubera Yehova indahemuka muri ibyo bigeragezo?

Ntekereza ku bivugwa muri Yohana 6:67, 68. Muri iyo mirongo Yesu yabajije intumwa ze niba na zo zarashakaga kumusiga. Petero yaramushubije ati: “Twagenda dusanga nde?” Uko ni ko bimeze no kuri nge. Nari kugenda nsanga nde? Ijambo rya Yehova ni ryo ryonyine ritanga ubuzima bw’iteka kandi Yehova ni we wenyine ushobora gutanga ubutabera nyakuri. Nanone muri Yesaya 30:15 haramfashije. Iyo mpuye n’ibintu binsha intege kandi ntashobora kugira icyo mbikoraho, uwo murongo umfasha gutuza no kwiringira Yehova.

Ni iki wabwira abandi cyabafasha kwitegura ibigeragezo bazahura na byo?

Ntukishingikirize ku mbaraga zawe. Ahubwo jya usaba Yehova akongerere ukwizera n’ubutwari. Jya ukora uko ushoboye kose urusheho kuba inshuti y’abavandimwe na bashiki bacu ku buryo uzabona uwo wabwira ibiguhangayikishije mu gihe uzaba ugeze mu bihe bikomeye.

Abavandimwe na bashiki bacu bo mu Burusiya bagaragaza ukwizera gukomeye kandi batubera urugero rwiza. Twizeye ko Andrey n’umuryango we nibakomeza kwishingikiriza kuri Data wo mu ijuru Yehova, bizabafasha kwihanganira ibigeragezo bahanganye na byo.—Zaburi 37:5.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU