Ku itariki ya 11 Nyakanga 2020, ni bwo ubuyobozi bwa gereza ya Lgov bwimuriye umuvandimwe wacu Dennis Christensen muri gereza ya rusange. Ubundi yari afungiwe mu yindi nyubako yihariye, aho amaze iminsi 15. Nk’uko twabivuze mu nkuru zabanjirije iyi, aho yagiye kuhafungirwa bitewe n’ibindi birego by’ibinyoma yarezwe. Icyakora ibyo ntibyamuhungabanyije. Abamwunganira mu mategeko barateganya kugeza ikibazo ke mu bujurire, biringiye ko ibi birego bishya bitazahindura ubusabe bwe bwo gufungurwa atarangije igifungo yari yarakatiwe.