15 NZERI 2023
U BURUSIYA

Umuvandimwe Sergey Gromov wo mu Burusiya yakatiwe igifungo cy’imyaka itandatu n’ukwezi kumwe

FUNGURA

Ku itariki ya 14 Nzeri 2023, urukiko rwa Moskovskiy rw’akarere ka Kazan rwahamije icyaha umuvandimwe Sergey Gromov kandi rumukatira igifungo cy’imyaka itandatu n’ukwezi kumwe. Yafunzwe kuva ku itariki ya 15 Werurwe 2022 kandi azaguma muri gereza.

Icyo twamuvugaho

Sergey Gromov

Igihe yavukiye: 1969 (Kazan, Repuburika ya Tatarstan)

Ibimuranga: Yakoze mu bijyanye no gushushanya

Yashakanye na Yelena mu mwaka wa 1990. Bafite abana babiri, umuhungu n’umukobwa

Yakuze atemera Imana ariko yahoraga yibaza inkomoko y’ubuzima. Atangiye kwigana Bibiliya n’Abahamya ba Yehova, yashimishijwe cyane n’uburyo Bibiliya ihuza na Siyansi. We na Yelena babatijwe mu mwaka wa 1995

Ibyo Yelena a umugore wa Sergey yavuze

Wowe na Sergey mwiteguye mute ibitotezo?

Igihe ibintu byahindukaga hano mu Burusiya mu mwaka wa 2017, ntitwigeze duhangayika. Ahubwo icyo kibazo twakirekeye mu maboko ya Yehova. Umuryango wacu wumviraga inama zose twahabwaga n’umuryango wa Yehova kandi twiyemeje kutazemera ko ubwoba butuganza ngo tureke gukorera Yehova. Twakomeje gahunda zacu za buri munsi, kwiyigisha, kubwiriza, kujya mu materaniro ari na ko dukomeza gusenga no gutera inkunga abavandimwe na bashiki bacu.

Ni mu buhe buryo Yehova yagushyigikiye mu gihe umaze utari kumwe n’umugabo wawe?

Sinari narigeze nsenga Yehova kenshi, mubwira ibindi ku mutima nk’uko nabigenje bamaze gufata umugabo wanjye Sergey. Narushijeho kumva ko Yehova andi hafi. Kandi ntiyigeze antererana. Hari n’igihe narangizaga gusenga maze ngahita mbona ko Yehova yanshubije, wenda akoresheje amagambo meza abandi bambwiye, bakampobera cyangwa se bakamfasha mu bundi buryo. Ni nk’aho Yehova yabakoreshaga kugira ngo anyereke ko anshyigikiye. Ibyo bintu byose byambayeho biramfasha bigatuma ntibanda ku bibazo mfite. Ahubwo bituma nkora uko nshoboye ngo mfashe abandi.

Dushimishwa n’urugero rw’ubudahemuka no kwishingikiriza kuri Yehova Sergey n’umugore we Yelena bagaragaje. Iyo tubona ukuntu Yehova akomeza kubaha imigisha kubera ko bamubera indahemuka, bitwizeza ko ‘ukuboko kwa Yehova atari kugufi ku buryo kutakiza, n’ugutwi kwe kutazibye ku buryo kutakumva.’—Yesaya 59:1.

Uko ibintu byagiye bikurikirana

Ku itariki ya 15 Werurwe 2022

Yatangiye gukurikiranwa mu nkiko. Bamujyanye kumuhata ibibazo kandi bamufunga by’agateganyo
Ku itariki ya 16 Werurwe 2022

Urugo rwe rwarasatswe
Ku itariki ya 17 Werurwe 2022

Bamufunze by’agateganyo mu gihe bari bategereje ko aburana
Ku itariki ya 30 Werurwe 2023

Ni bwo urubanza rwatangiye
Ku itariki ya 14 Nzeri 2023

Yahamijwe icyaha kandi akatirwa igifungo cy’imyaka itandatu n’ukwezi kumwe

a Igihe iyi nkuru yakorwaga umuvandimwe Gromov yari afunzwe by’agateganyo, ni yo mpamvu kugira icyo tumubaza bitadukundiye.

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU