18 NZERI 2023
U BURUSIYA

Umuvandimwe Vladimir Balabkin wo mu Burusiya ufite imyaka 71 yakatiwe igifungo cy’imyaka ine

FUNGURA

Ku itariki ya 13 Nzeri 2023, urukiko rw’umujyi wa Belogorsk mu gace ka Amur rwahamije icyaha umuvandimwe Vladimir Balabkin kandi rumukatira igifungo cy’imyaka ine. Agisohoka mu rukiko yahise ajyanwa muri gereza.

Icyo twamuvugaho

Vladimir Balabkin

Igihe yavukiye: 1952 (Belogorsk)

Ibimuranga: Yakoze mu bijyanye n’itumanaho rya za gari ya moshi. Ari mu kiruhuko cy’izabukuru

Yashakanye na Tatyana mu mwaka wa 1972. Bafite abahungu babiri

Tatyana ni we wabanje kwiga Bibiliya yabatijwe mu mwaka wa 1994. Vladimir yashishikajwe no kwiga Bibiliya amaze kumenya izina ry’Imana. Yabatijwe mu mwaka wa 1995

Ibyo yavuze a

Ibyakubayeho byakwigishije iki? b

Isomo ry’ingenzi nize, ni uko ngomba kwishingikiriza kuri Yehova no ku muryango we aho kwiyiringira no kwishingikiriza ku byambayeho. Imimerere iyo ari yo yose mba ndimo, nemera ntashidikanya ko inama Yehova atanga buri gihe zingirira akamaro kandi zizira igihe. Narushijeho gusobanukirwa imbaraga z’isengesho. Mbere y’uko bampata ibibazo cyangwa iyo nabaga ngiye mu rubanza nabaga mpangayitse cyane, ariko igihe cyose iyo namaraga gusenga bucece nahitaga numva mfite amahoro yo mu mutima. Ibyo byamfashije kurushaho kujya nsenga ngusha ku ngingo, naba nisengera cyangwa nsengera abandi.

Dushimishwa n’uko Vladimir akomeje kubera Yehova indahemuka kandi akamwishingikirizaho. Twizeye ko Yehova azakomeza kumuha imbaraga n’amahoro.—Zaburi 29:11.

Uko ibintu byagiye bikurikirana

Ku itariki ya 2 Werurwe 2021

Yakorewe idosiye
Ku itariki ya 4 Werurwe 2021

Urugo rwe rwarasatswe
Ku itariki ya 18 Gicurasi 2023

Ni bwo urubanza rwe rwatangiye
Ku itariki ya 13 Nzeri 2023

Yahamijwe icyaha kandi akatirwa igifungo cy’imyaka ine

a b Ibyo Balabkin yavuze, yabivuze mbere y’uko akatirwa.

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU