Ku itariki ya 12 Gashyantare 2021, urukiko rwo mu karere ka Birobidzhan, agace kayoborwa n’Abayahudi rwahamije icyaha umuvandimwe Igor Tsarev. Urukiko rwamukatiye igifungo gisubitse k’imyaka ibiri n’igice. Ntibizaba ngombwa ko Igor ajyanwa muri gereza.

Igor yakomeje gushikama no kurangwa n’ikizere mu gihe cy’urubanza. Mu ijambo yavuze ubwo aheruka mu rukiko ku itariki ya 11 Gashyantare 2021, yaravuze ati: “Nibazaga icyo nzavuga ubwo nzaba ndi mu rukiko bwa nyuma, nuko mpitamo gukurikiza inama intumwa Pawulo yagiriye Abakristo bose. Mu ibaruwa yandikiye Abakolosayi, yarababwiye ati: ‘Mujye muba abantu bashimira.’

“None rero Nyakubahwa nifuza kubashimira kuko mwatumye haba umutuzo mu gihe cy’urubanza kandi mwaduteze amatwi. . . . Ariko by’umwihariko ndashimira cyane Umuremyi wacu, Yehova, kubera ko yamfashije cyane kuva urubanza rwatangira kugeza ubu. Yatumye ntuza kandi ampa amahoro yo mu mutima.”—Abakolosayi 3:15.