Ku itariki ya 28 Ukwakira 2020 urukiko rwo mu ntara ya Bryansk rwemeje ko abavandimwe babiri ari bo Vladimir Khokhlov na Eduard Zhinzhikov na bashiki bacu babiri ari bo Tatyana Shamsheva na Olga Silaeva bahamwa n’icyaha. Bari barakatiwe igifungo cyo kuva ku mwaka kugeza ku mwaka n’amezi atatu. Icyakora kuba bamaze icyo gihe bafunzwe by’agateganyo ntibizaba ngombwa ko bongera gufungwa. Kubera amategeko ari ho muri iki gihe, abo bavandimwe na bashiki bacu bazakomeza kubonwa ko bahamijwe ibyaha. Icyakora, bashimishijwe n’uko batazashyirwa muri gereza. Umushinjacyaha ntashobora kujurira asaba ko bongererwa igifungo.

Igihe bahamywaga icyaha abavandimwe bari barakatiwe amezi asaga 10 na ho bashiki bacu bo bakatirwa asaga 8. Abo bashiki bacu bamaze gufungurwa batanze ikiganiro cyasohotse muri Raporo ya 5 y’Inteko Nyobozi. Bavuze ko gusenga, gusoma Bibiliya no gukomeza kugira umuco wo gushimira byabafashije kwihangana no kurangwa n’ibyishimo.