8 KANAMA 2024
U BURUSIYA

‘Yehova ni ubuhungiro bwanjye kandi ni we undinda’

FUNGURA

Urukiko rw’akarere ka Vyselkovskiy ruri mu gace ka Krasnodar vuba aha ruzatangaza umwanzuro w’urubanza ruregwamo mushiki wacu Lyudmila Zinina. Ubushinjacyaha nta gihano buramusabira.

Icyo twamuvugaho

Lyudmila Zinina

Igihe yavukiye: 1951 (Berezanskaya, mu gace ka Krasnodar)

Ibimuranga: Yari umuganga

Yashakanye na Pyotr mu mwaka wa 1973. Bafite abakobwa babiri, naho umuhungu wabo yapfuye mu mwaka wa 2012. Umukobwa we muto witwa Irina, na we arimo arakurikiranwa mu rundi rubanza

Lyudmila yarishimye cyane igihe yabonaga izina ry’Imana muri Bibiliya. Yabatijwe mu mwaka wa 1999

Ibyo yavuze

Ni uwuhe murongo wo muri Bibiliya wagufashije kudacika intege?

Uretse kuba nkurikiranwa mu nkiko, mfite n’uburwayi mbana na bwo budakira. Ariko gutekereza ku magambo ari mu Gutegeka 30:20 bimfasha gukomeza gutuza, nkiringira Yehova. Muri uwo murongo Mose yibukije Abisirayeli ko bagomba gukunda Yehova, bagatega amatwi ibyo ababwira kandi bakamubera indahemuka, ‘kuko ari we wari ubuzima bwabo no kurama kwabo.’ Ayo magambo aramfasha cyane. Nizeye ko ninkomeza kubera Yehova indahemuka, atazigera yemera ko mpura n’ibigeragezo ntashobora kwihanganira. By’umwihariko kubera ko nsanzwe mfite ibibazo by’uburwayi, niringira ko Yehova ari ubuhungiro bwanjye kandi ko yiteguye kundinda.

Kimwe na Lyudmila natwe twifuza kurushaho kwizera Yehova Imana yacu, we udashobora gutererana abamwiringira.—Gutegeka 31:6.

Uko ibintu byagiye bikurikirana

Ku itariki ya 13 Gashyantare 2022

Abayobozi basatse aho Lyudmila, umugabo we n’abakobwa babo baba
Ku itariki ya 23 Gicurasi 2023

Yatangiye gukurikiranwaho icyaha. Yashinjwe kwifatanya mu bikorwa by’umuryango ushinjwa ubutagondwa kubera kuvuga imyizerere ye
Ku itariki ya 9 Kamena 2023

U Burusiya bwamushyize ku rutonde rw’intagondwa
Ku itariki ya 11 Nyakanga 2023

Yashyiriweho amategeko y’aho atagomba kurenga
Ku itariki ya 8 Gashyantare 2024

Ni bwo urubanza rwe rwatangiye

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU