7 NYAKANGA 2022
U BURUSIYA

Yevgeniy Zinich akomeje kuba indahemuka kimwe n’ababyeyi be na ba sekuru

FUNGURA

Ku itariki ya 27 Kamena 2022, urukiko rw’akarere ka Oktyabrskiy ruri mu gace ka Krasnoyarsk rwakatiye umuvandimwe Yevgeniy Zinich igifungo cy’imyaka itandatu. Yahise ajyanwa muri gereza.

Uko ibintu byagiye bikurikirana

Ku itariki ya 11 Ukuboza 2020

Urugo rwa Yevgeniy rwarasatswe
Ku itariki ya 21 Mutarama 2021

Ni bwo dosiye yatangiye
Ku itariki ya 19 Ukwakira 2021

Yashinjwe gutegura ibikorwa by’umuryango bavuga ko ukora ibikorwa by’ubutagondwa
Ku itariki ya 20 Ukwakira 2021

Yabujijwe kuva mu gace atuyemo
Ku itariki ya 14 Ukuboza 2021

Ni bwo urubanza rwatangiye

Icyo twamuvugaho

Yevgeniy Zinich

Igihe yavukiye: 1966 (Nazarovo mu gace ka Krasnoyarsk)

Ibimuranga: Ababyeyi be na ba sekuru batotejwe mu gihe cy’ubutegetsi bw’Abasoviyeti

Yabatijwe mu mwaka wa 1982. Yashakanye na Mariya mu mwaka wa 1988, bafite umukobwa umwe. Mariya yapfuye mbere y’uko urubanza rusomwa

Ibyo yavuze

Ko ababyeyi bawe na ba sogokuru wawe n’ab’umugore wawe batotejwe bazira ukwizera kwabo, urugero rwabo rwakwigishije iki?

Mu gihe cyabo Abahamya ba Yehova baratotejwe cyane. Uburyo bitwaye byanyigishije amasomo y’ingenzi. Ntibigeze binubira cyangwa ngo bitotombere ibyababagaho. Buri wese yari azi ko ibiri kuba ari kimwe mu bigize ubuzima bwa Gikristo. Gutekereza ku rugero rw’ababyeyi banjye, byatumye menya ko ukwizera kwabo kwari gushingiye ku kuba bari basobanukiwe ukuri no ku bucuti bari bafitanye n’Imana. Ikintu nkibuka neza kuva nkiri umwana, ni uburyo nakundaga kubona papa apfukamye arimo asenga.

Kandi ibyo ni nako byari bimeze ku babyeyi b’umugore wanjye Mariya. Ukuri kwari kwarashinze imizi mu buzima bwabo. Bamufashije kugira ukwizera gukomeye, gukunda kwiyigisha no kwita ku bavandimwe na bashiki bacu bagize itorero. Kuva igihe yarwariye, akivuza kugeza apfuye yakomeje gufasha abandi kuba incuti za Yehova. Yahoraga anyibutsa abantu babaga bakeneye guterwa inkunga.

Ni iki cyagufashije kwihanganira ibyo bintu bitoroshye?

Kuba narifuzaga gukorera Yehova n’abavandimwe na bashiki bacu ni byo byatumye ntacika intege. Igihe nari muri gereza, nafashije abavandimwe benshi bashoboka. Nishimiye kuba Yehova yarankoresheje kugira ngo mbiteho, kandi akamfasha kumva ko ngomba kubikora. Nanone byamfashije kubona ko Yehova yita kuri buri wese.

Nanone urukundo abavandimwe na bashiki bacu bangaragarije rwatumye mbona ko Yehova ankunda kandi anyemera. Ibyo bikorwa by’ineza byaramfashije, cyane cyane muri aya mezi make ashize igihe nari mbabaye cyane kubera urupfu rwa Mariya.

Twizeye ko Yehova azakomeza kugaragariza urukundo no guhumuriza Yevgeniy, mu gihe nawe akomeje kwigana urugero rw’abagize umuryango we, rwo kugira ubutwari no kwihangana muri ibi bihe bigoye.—Zaburi 86:17.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU