12 MATA 2017
U BURUSIYA
Ibindi bihamya byatanzwe ku munsi wa kane w’urubanza rwo mu Rukiko rw’u Burusiya
NEW YORK—Icyumba cy’urukiko cyarimo abantu benshi mu gihe Urukiko rw’Ikirenga rwo mu Burusiya rwari rugeze ku munsi wa kane w’urubanza Minisiteri y’Ubutabera iregamo Ibiro Bikuru by’Abahamya ba Yehova ikanasaba ko byafungwa. Urukiko rwasubitse urwo rubanza ku mugoroba, rutangaza ko ruzasubukurwa ku itariki ya 19 Mata 2017, saa 10:00 za mu gitondo.
Abavoka bahagarariye Abahamya ba Yehova batangiye batanga ibihamya byo kubaburanira, bakurikirwa n’abavoka bahagarariye Minisiteri y’Ubutabera bageragezaga kubabaza iby’ibyo bihamya. Umucamanza amaze kubyumva yasabye Minisiteri y’Ubutabera kuvuga impamvu ihuje n’amategeko bashaka ko Ibiro Bikuru by’Abahamya ba Yehova bifungwa. Abavoka bahagarariye Minisiteri y’Ubutabera ntibashoboye gusubiza umucamanza. Iburanisha ry’uwo munsi ryarangiye barimo babaza abatangabuhamya bo ku mpande zombi.
Mu cyumweru gitaha, Urukiko ruzatangira gusuzuma ibyavuzwe muri urwo rubanza byose.
Ushinzwe amakuru:
Ku rwego mpuzamahanga: David A. Semonian, Ibiro bishinzwe amakuru, +1-845-524-3000
Mu Burusiya: Yaroslav Sivulskiy, +7-911-087-8009
Ibindi wamenya
AMAKURU
Ku munsi wa gatatu w’iburanisha, Abahamya ba Yehova batanze ubuhamya
Abahamya ba Yehova bane batanze ibihamya bigaragaza ko ikirego cya Minisiteri y’Ubutabera kidakwiriye kubahirizwa.
AMAKURU
Videwo: Icyo abahanga bavuga ku byerekeye guca Abahamya mu Burusiya
Abahanga mu by’uburenganzira bw’ikiremwamuntu bavuze ingaruka umwanzuro wo guca Abahamya mu Burusiya wagira kuri icyo gihugu.
AMAKURU
Abahamya ba Yehova bo ku isi hose barasaba ko u Burusiya burenganura bagenzi babo
Abahamya ba Yehova bo ku isi hose bamaze kumenya ibyo u Burusiya buteganya gukorera bagenzi babo, biyemeje kubashyigikira bandikira amabaruwa abategetsi b’u Burusiya. Hari amabwiriza agenewe abifuza kwandika ayo mabaruwa.