13 MATA 2016
U BURUSIYA
Imanza ziherutse kuba zireba Abahamya ba Yehova bo mu Burusiya
Rostov, muri Taganrog. Ku itariki ya 17 Werurwe 2016, Urukiko rw’akarere ka Rostov rwashimangiye umwanzuro urukiko rwari rwarafashe wo gufunga Abahamya 16, rubaziza idini ryabo, ariko rugabanyiriza 12 muri bo amande bagombaga gutanga, agera ku 113.000 by’Amanyarwanda. Kugeza ubu, ingaruka iyo myanzuro izagira ntiziramenyekana.
Umushinjacyaha yemeza ko Bibiliya irimo ibitekerezo by’“ubutagondwa”
Ubushinjacyaha bwa Leningrad Finlyandskiy bwatanze ikirego buvuga ko Bibiliya—Ubuhinduzi bw’isi Nshya, yanditswe n’Abahamya ba Yehova, irimo ibitekerezo by’“ubutangondwa.” Ibyo ni ukurenga ku ngingo ya 3, igika cya 1 yo mu mategeko y’u Burusiya agamije gukumira ibikorwa by’ubutagondwa, ivuga ko Bibiliya itarebwa n’iryo tegeko. Nubwo bizwi neza ko Bibiliya y’Ubuhinduzi bw’isi Nshya ari Bibiliya, ubushinjacyaha buvuga ko Bibiliya zemewe ari izahinduwe hakurikijwe “imigenzo” y’idini ry’Aborutodogisi bo mu Burusiya gusa. Urukiko rw’umugi wa Vyborg ruteganya kuburanisha urwo rubanza ku itariki ya 26 Mata 2016.
Ibindi wamenya
AMAKURU
Urukiko rw’i Taganrog rwahamije Abahamya ibyaha bazira idini ryabo
Abahamya 16 bahamijwe icyaha cy’ubutagondwa. Umwanzuro w’Urukiko rwa Taganrog uteje akaga kuko abategetsi bawuheraho bakambura Abahamya ba Yehova bo mu Burusiya uburenganzira bwo kuba mu idini bashaka.
AMAKURU
Icyo twavuga ku rubanza rw’Abahamya ba Yehova b’i Taganrog mu Burusiya
Kuva mu mwaka wa 2011, Abahamya ba Yehova 16 bashinjwe icyaha bazira ukwizera kwabo. Ese koko ibimenyetso bigaragaza ko bashyigikira ibikorwa by’ubutagondwa?
AMAKURU
Abategetsi b’u Burusiya bahimba ibimenyetso bishinja Abahamya ba Yehova kuba intagondwa
Abahamya ba Yehova bo mu mugi wa Sevastopol na Balakovo baburijemo umugambi abategetsi bo mu Burusiya bari bafite wo gushyira ibitabo byabuzanyijwe aho basengera, kugira ngo babone uko babashinja kuba intagondwa.
AMAKURU
U Burusiya bushobora gufunga ibiro by’Abahamya ba Yehova byo muri icyo gihugu
Abayobozi banditse ibaruwa ivuga ko bashobora guhagarika umurimo w’Abahamya ba Yehova ukorerwa mu Burusiya.
AMAKURU
Abayobozi ba gasutamo zo mu Burusiya bafatira Bibiliya n’ibitabo by’imfashanyigisho zayo
Abayobozi ba gasutamo zo mu Burusiya banga ko Bibiliya n’ibindi bitabo byandikwa n’Abahamya ba Yehova byinjira. Ibyo bigira izihe ngaruka ku baturage?