8 KAMENA 2017
U BURUSIYA
Perezida Poutine yahaye Abahamya ba Yehova igihembo gihabwa ababyeyi beza
NEW YORK—Mu muhango wabereye mu mugi wa Moscou mu biro by’umukuru w’igihugu, ku itariki ya 31 Gicurasi, Perezida w’u Burusiya Vladimir Poutine yahaye umugabo n’umugore bitwa Valeriy na Tatiana Novik bo muri leta ya Karelia, bafite abana umunani, igihembo gihabwa ababyeyi beza.
Uwo muhango wabereye mu mugi wa Moscou mu biro by’umukuru w’igihugu ku munsi wabanjirije umunsi mpuzamahanga w’abana.
Icyo gihembo cyashyizweho n’iteka rya perezida muri Gicurasi 2008. Igihugu cy’u Burusiya giha icyo gihembo ababyeyi bareze byibura abana barindwi bakabitaho mu buryo bwihariye, bakabigisha, bakita ku byiyumvo byabo kandi bakabatoza imico myiza. Imiryango yahawe icyo gihembo ibonwa ko ari intangarugero kandi ko ituma n’indi miryango imera neza.
Perezida Poutine aha Valeriy Novik, ufite abana umunani, igihembo cy’uko ari umubyeyi mwiza
David A. Semonian, umuvugizi w’Abahamya ba Yehova ukorera ku kicaro gikuru yaravuze ati: “iki gihembo kigaragaza ko inyigisho zishingiye kuri Bibiliya Abahamya ba Yehova batanga zifasha ababyeyi n’abana kuba abaturage beza, haba mu Burusiya no ku isi hose. Twiringiye ko n’igihe Urukiko rw’Ikirenga ruzaba rugiye kongera gusuzuma umwanzuro rwafashe wo guca Abahamya ba Yehova mu Burusiya, ku itariki ya 17 Nyakanga 2017, ruzatekereza no kuri iki gihembo Perezida Poutine yatanze.”
Ushinzwe amakuru:
David A. Semonian, Ibiro Bishinzwe Amakuru,+1-845-524-3000
Ibindi wamenya
AMAKURU
Abayobozi bo mu bwoko bw’Abatayi bakoresha ibitabo byandikwa n’Abahamya ba Yehova mu gufasha abaturage
Hashize imyaka itatu, Abayobozi bo mu bwoko bw’Abatayi bakoresha ibitabo byandikwa n’Abahamya ba Yehova mu gufasha abaturage.
AMAKURU
U Budage bwahaye umudari w’ishimwe Umuhamya wa Yehova
Minisitiri w’Intebe wa Bavière yahaye Mathilde Hartl umudari w’ishimwe, ukaba ari igihembo cyo mu rwego rwo hejuru gihabwa abantu ku giti cyabo.
IBIBAZO ABANTU BAKUNZE KWIBAZA
Ese Abahamya ba Yehova basenya imiryango cyangwa batuma irushaho kuba myiza?
Abahamya ba Yehova bajya bashinjwa gusenya imiryango. Ariko se koko Abahamya bateza amacakubiri mu muryango?