Ku itariki ya 3 Gicurasi 2018, Urukiko rw’Umugi wa Saint Petersbourg rwashimangiye umwanzuro wari warafashwe mu Kuboza 2017, wemerera leta y’u Burusiya gufatira amazu y’ibiro bikuru by’Abahamya biri mu mugi wa Solnechnoye. Mbere y’uko urukiko rwumva ubujurire bw’Abahamya, hari umunyamakuru n’impuguke mu by’amadini n’abavoka babiri baburanira Abahamya bavuze ko ibyo leta y’u Burusiya igiye gukora ari ukurenganya Abahamya. Umugabo n’umugore bifatanyije mu mirimo yo kubaka amazu y’ibyo biro na bo bavuze ko ayo mazu yari abafitiye akamaro cyane.