11 UGUSHYINGO 2014
U BURUSIYA
Urukiko rw’Ikirenga rw’u Burusiya rugiye kongera kumva ubujurire bw’Abahamya ba Yehova
Biteganyijwe ko ku itariki ya 12 Ugushyingo 2014, ari bwo Urukiko rw’Ikirenga rw’u Burusiya ruzasubukura iburanisha ry’urubanza Abahamya ba Yehova bajuririyemo icyemezo cyasabaga ko umuryango wabo wo mu rwego rw’amategeko wo mu mugi wa Samara useswa. Hashize ukwezi kurenga urwo rubanza rutangiye, kuko ku itariki ya 8 Ukwakira, mu cyumba kinini cy’urukiko hari huzuye abanyamakuru, indorereze ziturutse muri za ambasade, abanyamategeko n’Abahamya baje kumva urwo rubanza. Nyuma yo kuvuga amwe mu mategeko agenga imiburanishirize, urukiko rwabaye rusubitse urwo rubanza.
Vasiliy Kalin, intumwa y’ibiro by’Abahamya ba Yehova byo mu Burusiya, yagize ati “Urukiko rw’Ikirenga rw’u Burusiya rurubahwa, kandi rwose twizeye ko ruzaca uru rubanza rukurikije ubutabera, rugashyigikira amahame ya demokarasi avugwa mu itegeko nshinga, maze rugatesha agaciro ibirego by’umushinjacyaha.” Abahamya ba Yehova biringiye ko urwo rukiko ruzubahiriza uburenganzira abantu bakwiriye kugira mu by’idini, nk’uko bishimangirwa n’itegeko nshinga ry’u Burusiya.
Ibindi wamenya
AMAKURU
Abahamya bo mu Burusiya bajuririye umwanzuro wo gusesa umuryango wabo wo mu rwego rw’amategeko wo mu mujyi wa Samara
Urukiko rw’Ikirenga ruzumva ubujurire bw’Abahamya ba Yehova, basaba ko umuryango wabo wo mu rwego rw’idini utaseswa, kandi ko wakurwa ku rutonde rw’imiryango ifite ibitekerezo by’ubutagondwa.
AMAKURU
Urukiko rwa Taganrog rwahamije Abahamya ba Yehova icyaha rubaziza ukwizera kwabo
Imyanzuro y’urwo rukiko ishobora guteza akaga kuko ishobora kuba urwitwazo rwo kubuza Abahamya 160.000 bo mu Burusiya uburenganzira mu by’idini.
AMAKURU
Urukiko rw’u Burayi Ruharanira Uburenganzira bw’Ikiremwamuntu rwemeje ko Abahamya ba Yehova bo mu Burusiya bafite uburenganzira bwo guteranira hamwe
Urukiko rw’u Burayi (CEDH) rwongeye kugaragaza ko u Burusiya butubahiriza uburenganzira bw’ikiremwamuntu, harimo n’ubwo gusenga mu mahoro.