27 UKUBOZA 2018
U BURUSIYA
Urukiko rwo mu Burusiya rwahamije icyaha Arkadya Akopyan ufite imyaka 70
Ku wa Kane tariki ya 27 Ukuboza, umucamanza witwa Oleg Golovashko wo mu Rukiko rw’Akarere ka Prohladniy rwo mu Burusiya, yatangaje umwanzuro wafatiwe Umuhamya witwa Arkadya Akopyan. Akopyan afite imyaka 70 kandi yahoze ari umudozi. Urukiko rwamuhaye igihano cyo kuzamara amasaha 120 akora imirimo ifitiye igihugu akamaro, kubera ko yasabye abantu batari Abahamya gukwirakwiza inyandiko leta ibona ko zirimo ibitekerezo by’ubutagondwa.
Nubwo umuvandimwe Akopyan atafunzwe, uwo mwanzuro yafatiwe n’urukiko unyuranyije n’uburenganzira bw’ikiremwamuntu. Ni yo mpamvu azajurira mu rukiko rwisumbuye.
Nanone mu minsi iri imbere, dutegereje umwanzuro urukiko ruzafatira umuvandimwe Dennis Christensen. Dusenga Yehova tumusaba ko yakomeza gushyigikira abavandimwe na bashiki bacu bo mu Burusiya bafunzwe bazira ukwizera kwabo.—2 Abatesalonike 2:16, 17.
Ibindi wamenya
AMAKURU
Umuhamya wa Yehova ufite imyaka 70 witwa Arkadya Akopyan akaba yarahoze ari umudozi ni umuturage w’inyangamugayo, kandi ushaka gusenga Imana ye mu mahoro
Umuhamya wa Yehova ufite imyaka 70 witwa Arkadya Akopyan akaba yarahoze ari umudozi ni umuturage w’inyangamugayo, kandi ushaka gusenga Imana ye mu mahoro
AMAKURU
Abahamya bo mu Burusiya batangiye kugiriwa nabi
Nyuma yo gusesa imiryango yari ihagarariye Abahamya mu by’amategeko, abategetsi b’u Burusiya badukiriye Abahamya ku giti cyabo bababuza gusenga.