Ku itariki ya 1 Mutarama 2024, mu karere ka Ishikawa mu Buyapani, mu gace ka Noto, habaye umutingito uri ku gipimo cya 7.6. Uwo mutingito ukomeye hamwe n’indi mitingito mito yakurikiyeho nyuma yaho, yangije amazu menshi hamwe n’imihanda yo muri ako gace. Abantu barenga 33.000 bavanywe muri ako gace. Abagera kuri 400 barakomeretse kandi hapfuye abantu 78.

• Nta n’umwe mu bavandimwe na bashiki bacu wishwe n’uwo mutingito

• Umuvandimwe 1 yarakomeretse bidakabije

• Abavandimwe na bashiki bacu barenga 150 bavuye mu byabo

• Amazu abiri yarasenyutse

• Amazu 7 yarangiritse cyane

• Amazu arenga 100 yarangiritse bidakabije

• Inzu y’Ubwami 1 yarangiritse cyane

• Amazu y’Ubwami 8 yarangiritse bidakabije

• Hashyizweho Komite Ishinzwe Ubutabazi kugira ngo ifashe abahuye n’umutingito

• Hari abavandimwe baturutse ku biro by’ishami byo mu Buyapani boherejwe kugira ngo bajye guhumuriza abahuye n’umutingito. Nanone abagenzuzi basura amatorero n’abasaza bo muri ako gace barimo guhumuriza abahuye n’uwo mutingito bakoresheje Ijambo ry’Imana kandi bakabaha bimwe mu byo bakeneye

Twizeye tudashidikanya ko Yehova azabera “ubuhungiro” abavandimwe na bashiki bacu bo mu Buyapani, kandi akabaha ihumure n’imbaraga zo kwihangana muri ibi bihe bigoye barimo.—Zaburi 18:2.