15 UKWAKIRA 2018
UKRAINE
Repubulika ya Donetsk yahagaritse umuryango w’Abahamya ba Yehova
Ku itariki ya 26 Nzeri 2018, Urukiko rw’Ikirenga rwa Repubulika ya Donetsk rwafashe umwanzuro w’uko umuryango w’Abahamya ba Yehova ushyigikira ibikorwa by’ubutagondwa, bityo ruhagarika imirimo y’uwo muryango. Yaba Urukiko cyangwa umushinjacyaha mukuru watanze icyo kirego, nta n’umwe wigeze ahamagaza Abahamya ba Yehova ngo bagire icyo bavuga muri urwo rubanza. Abahamya ba Yehova bo muri ako gace bakomeje gutotezwa kandi kuba umurimo wabo warabuzanyijwe byatumye ibitotezo birushaho kwiyongera.
Kuva mu mwaka wa 2017 ubwo Urukiko rw’Ikirenga rwa Donetsk rwafataga umwanzuro w’uko ibitabo byacu birimo ibitekerezo by’ubutagondwa, abavandimwe bacu bo turere twa Donetsk na Luhansk duherereye mu burasirazuba bwa Ukraine barushijeho gutotezwa. Muri uwo mwaka, porisi yahase ibibazo Abahamya bagera ku 170. Nanone abayobozi bo muri utwo turere bafatiriye Amazu y’Ubwami. Ku itariki ya 29 Kanama 2018 hari hamaze gufatirwa Amazu y’Ubwami agera kuri 16.
Nubwo abavandimwe na bashiki bacu bibasiwe n’ibyo bibazo, bakomeje kwishingikiriza kuri Yehova, we ‘Mana y’agakiza.’—Zaburi 18:46.
Ibindi wamenya
AMAKURU
Abahamya ba Yehova bo mu burasirazuba bwa Ukraine bavutswa umudendezo wabo
Abahamya babuzwa amahwemo, kandi mu duce tumwe na tumwe twa Luhansk na Donetsk bakavutswa umudendezo wabo mu by’idini.
AMAKURU
Abahamya bo mu Burusiya batangiye kugiriwa nabi
Nyuma yo gusesa imiryango yari ihagarariye Abahamya mu by’amategeko, abategetsi b’u Burusiya badukiriye Abahamya ku giti cyabo bababuza gusenga.
AMAKURU
Urukiko rw’Ikirenga rw’u Burusiya rwashimangiye umwanzuro wo guca Abahamya ba Yehova
Abahamya ba Yehova biteguye kujuririra Urukiko rw’u Burayi Ruharanira Uburenganzira bw’Ikiremwamuntu, na Komite y’Umuryango w’Abibumbye yita ku Burenganzira bw’ikiremwamuntu, kubera umwanzuro bafatiwe n’Urukiko rw’Ikirenga rw’u Burusiya.