ISI N’ABAYITUYE
Twasuye Kosita Rika
ABESIPANYOLI ni bo ba mbere basuye aho hantu, ubu hakaba hashize imyaka magana atanu. Bahise Kosita Rika bisobanurwa ngo “inkombe ikungahaye,” kuko batekerezaga ko bari kuzahabona zahabu nyinshi. Ariko ntayo bahabonye. Muri iki gihe icyo gihugu ntikizwiho kugira amabuye y’agaciro, ahubwo kizwiho kugira amoko menshi y’ibinyabuzima kurusha ibindi ku isi.
Abaturage bo muri Kosita Rika bitwa Ticos, iryo zina rikaba rikomoka ku mugenzo wabo wo kongera akajambo -ico ku izina bashaka gutubya ikintu. Urugero, aho kuvuga ngo “un momento “ (mu kanya), baravuga ngo “un momentico” (mu kanya gato). Nanone bakunda kuvuga ngo “¡pura vida!” (ubuzima buzira umuze) bashaka gushimira cyangwa kwemeranya n’umuntu, kumusuhuza cyangwa kumusezeraho.
Amashyamba yo muri Kosita Rika arimo amoko atangaje y’ibimera n’ibisimba, urugero nk’iki gikeri gifite amaso atukura (Agalychnis callidryas)
Bimwe mu byokurya bakunda harimo ibyitwa gallo pinto (bisobanurwa ngo “isake iriho utudomo”), bigizwe n’umuceri n’ibishyimbo babanza guteka ukwabyo, hanyuma bakaza kubivanga bagashyiramo n’ibirungo. Iryo funguro bashobora kurifata mu gitondo, saa sita, cyangwa nimugoroba. Icyo kunywa cyabo gakondo ni ikawa bayungururira mu gitambaro kiba gifashwe n’utubaho (café chorreado).
Muri Kosita Rika hari amatorero y’Abahamya ba Yehova agera kuri 450. Amateraniro yabo ayoborwa mu ndimi icumi, hakubiyemo ururimi rw’Amarenga rwo muri Kosita Rika n’izindi ndimi ebyiri zaho, ni ukuvuga ikiburiburi n’igikabekari.
ESE WARI UBIZI? Muri Kosita Rika haboneka amabuye abarirwa mu magana yibumbabumbye aconze neza. Irinini kuruta ayandi rifite umurambararo wa metero 2,4. Bivugwa ko rishobora kuba rimaze imyaka irenga 1.400. Nta muntu uzi neza impamvu bayaconze.
Amabuye yibumbabumbye
Ibindi wamenya
NIMUKANGUKE!
Twasuye Nouvelle-Zélande
Nubwo Nouvelle-Zélande isa n’iri yonyine, ikurura ba mukerarugendo basaga miriyoni eshatu mu mwaka. Bakururwa n’iki?
NIMUKANGUKE!
Twasuye Kazakisitani
Kera, Abanyakazakisitani bakundaga kwimuka kandi bakibera mu mazu ya muviringo. Ni iki kigaragaza ko Abanyakazakisitani b’ubu babaho nk’aba kera?
NIMUKANGUKE!
Twasuye Esipanye
Esipanye ni igihugu gitatse ibyiza bitandukanye, birimo abantu n’ibidukikije, kandi ni igihugu gifite amavuta ya elayo menshi kurusha ibindi bihugu.
NIMUKANGUKE!
Twasuye Kirigizisitani
Abaturage bo muri Kirigizisitani bagira urugwiro kandi barubaha. Ni iki kiranga imiryango yaho?
NIMUKANGUKE!
Twasuye Liechtenstein
Ni iki gituma icyo gihugu gito cyane gisurwa na ba mukerarugendo buri mwaka?
NIMUKANGUKE!
Twasuye Uzubekisitani
Menya byinshi kuri Uzubekisitani n’ukuntu imyandikire y’Abazubeki yagiye ihindagurika.
