Ababyeyi bafite inshingano itoroshye yo gutoza abana babo kumenya Yehova (Efe 6:4). Umuryango wa Yehova wateguye ibikoresho byinshi byafasha ababyeyi gusohoza iyo nshingano. None se mwakoresha mute ibyo bikoresho kugira ngo mufashe abana banyu?

• Shakisha imyitozo. Ku rubuga rwa JW.ORG hariho ibintu byinshi bigenewe abakiri bato. Muri byo harimo za videwo n’imyitozo abana bashobora gukora bashushanya cyangwa bandika. a Kugira ngo ubibone, andika aho bashakira ijambo “abana” cyangwa “abakiri bato.”

• Hitamo umwitozo wafasha umwana wawe. Nujya ku rubuga ahagenewe “Abana,” ushobora guhitamo imyitozo yafasha abana bawe. Kugira ngo uyibone, wajya ahanditse ngo: “Ibyo mwakwiga mu muryango.”

• Ujye ukorera hamwe n’abana bawe iyo myitozo. Ntugakoreshe videwo cyangwa iyo myitozo, ushaka gusa ko umwana wawe abihugiraho. Ahubwo mujye mubiganiraho kandi ubikoreshe ugamije gufasha abana bawe gukunda Yehova.