ICYADUFASHA KUREKA INZANGANO
2 | Kutihorera
Icyo Bibiliya yigisha:
“Ntimukiture umuntu wese inabi yabagiriye. . . . Niba bishoboka ku rwanyu ruhande, mubane amahoro n’abantu bose. Ntimukihorere, . . . kuko handitswe ngo ‘guhora ni ukwanjye, ni jye uzitura, ni ko Yehova avuga.’”—ABAROMA 12:17-19.
Icyo bisobanura:
Ni ibisanzwe ko dushobora kurakara mu gihe umuntu aduhemukiye. Ariko Imana ntiyifuza ko twihorera. Ahubwo idusaba kuyitegereza kuko vuba aha igiye gukuraho ibibi byose.—Zaburi 37:7, 10.
Icyo twakora:
Iyo umuntu yihoreye bikurura inzangano zidashira. Ubwo rero niba umuntu akubabaje cyangwa akakugirira nabi, ntukihorere. Jya ugerageza kwifata kandi umusubize utuje. Hari igihe biba byiza kwirengagiza ikibazo wagiranye n’umuntu (Imigani 19:11). Ariko hari n’ubwo ushobora guhitamo kwitabaza inzego zibishinzwe kugira ngo zikemure icyo kibazo. Urugero, mu gihe ari wowe wakorewe icyaha, ushobora guhitamo kubimenyesha porisi cyangwa ubundi buyobozi.
Kwihorera ni ukwihemukira
Byagenda bite se niba ubona nta buryo bwo gukemura ikibazo mu mahoro? Byagenda bite se niba warakoze uko ushoboye kose kugira ngo ikibazo gikemuke ariko bikanga? Ntukihorere. Kwihorera byatuma ibintu birushaho kuba bibi, naho kutihorera bigatuma urwango rushira. Izere ko uburyo Imana yateganyije bwo gukemura ibibazo, ari bwo bwiza. ‘Jya uyishingikirizaho na yo izagira icyo ikora.’—Zaburi 37:3-5.
Ibindi wamenya
BIBILIYA IHINDURA IMIBEREHO
Naharaniraga kurwanya akarengane
Rafika yaharaniraga kurwanya akarengane. Ariko yamenye amasezerano yo muri Bibiliya y’uko Ubwami bw’Imana ari bwo buzazana amahoro n’ubutabera.
BIBILIYA IHINDURA IMIBEREHO
Ese urukundo rushobora gutsinda urwango?
Kwikuramo urwikekwe bishobora kugorana. Icyakora, hari Umuyahudi n’Umunyapalesitina babishoboye.
IBIBAZO BISHINGIYE KURI BIBILIYA
Ni iki Bibiliya ivuga ku birebana no kwihorera?
Inama zo muri Bibiliya zafashije abantu benshi kurwanya icyifuzo cyo kwihorera.
