Umunsi tugomba kwibuka!

Ku wa Mbere tariki ya 2 Mata

Hari ku itariki ya 14 Nisani mu mwaka wa 33. Yesu yarimo asangira n’intumwa ze igikombe cya divayi n’umugati udasembuye. Yabahaye ayahe mabwiriza? Yarababwiye ati “mujye mukorera mutya kugira ngo munyibuke.”​—⁠Luka 22:​19.

Kubera iyo mpamvu, Abahamya ba Yehova bo hirya no hino ku isi bateranira hamwe rimwe mu mwaka, bakizihiza urupfu rwa Yesu mu ijoro yavuzemo ayo magambo. Uyu mwaka, itariki ya 14 Nisani izatangira ku wa Mbere tariki ya 2 Mata, izuba rirenze. Twishimiye kugutumira kuzaza kwifatanya natwe muri ayo materaniro y’Urwibutso azaba kuri uwo mugoroba. Uzabaze Abahamya ba Yehova bo mu karere k’iwanyu igihe n’aho ayo materaniro azabera.