Ibibazo bishingiye kuri Bibiliya
Ese dushobora gusobanukirwa Bibiliya?
Bibiliya ni Ijambo ry’Imana. Ni nk’ibaruwa umubyeyi wuje urukundo yandikira abana be (2 Timoteyo 3:16). Muri Bibiliya, Imana isobanura icyo twakora ngo tuyishimishe, impamvu ireka ibibi bikabaho n’icyo izakorera abantu mu gihe kiri imbere. Ariko abanyamadini bagoretse inyigisho za Bibiliya, bituma abantu benshi bumva ko batazigera bayisobanukirwa.—Ibyakozwe 20:29, 30.
Yehova Imana yifuza ko tumumenya by’ukuri. Ni yo mpamvu yatwandikiye igitabo dushobora gusobanukirwa.—Soma muri 1 Timoteyo 2:3, 4.
Ni iki cyagufasha gusobanukirwa Bibiliya?
Uretse kuba Yehova yaraduhaye Bibiliya, anadufasha kuyisobanukirwa. Yatwoherereje Yesu kugira ngo atwigishe (Luka 4:16-21). Yesu yafashaga ababaga bamuteze amatwi gusobanukirwa Ibyanditswe, akabasobanurira umurongo ku wundi.—Soma muri Luka 24:27, 32, 45.
Yesu yashinze itorero rya gikristo kugira ngo rikomeze uwo murimo yatangije (Matayo 28:19, 20). Muri iki gihe, abigishwa nyakuri ba Yesu bafasha abantu gusobanukirwa icyo Bibiliya yigisha ku byerekeye Imana. Niba wifuza gusobanukirwa Bibiliya, Abahamya ba Yehova bashobora kubigufashamo.—Soma mu Byakozwe 8:30, 31.
Ibindi wamenya
UMUNARA W’UMURINZI
Uko wasobanukirwa Bibiliya
Ese niba Bibiliya ari igitabo cyumvikana, kuki dukenera uyidusobanurira?
ABO TURI BO
Saba gusurwa
Muzaganira ku bibazo bishingiye kuri Bibiliya cyangwa ku byerekeye Abahamya ba Yehova
IBIBAZO BISHINGIYE KURI BIBILIYA
Ni iki cyagufasha gusobanukirwa Bibiliya?
Aho waba waravukiye hose, ushobora gusobanukirwa ubutumwa Imana yandikishije mu Byanditswe Byera.
ABO TURI BO
Kuki ukwiriye kwiga Bibiliya?—Videwo yose
Bibiliya itanga ibisubizo by’ibibazo bikomeye abantu babarirwa muri za miriyoni bo ku isi bibaza. Ese nawe wifuza kuba muri abo?
