Ibibazo bishingiye kuri Bibiliya
Intego yo kugaruka kwa Kristo ni iyihe?
Mbere y’uko Yesu Kristo asubira mu ijuru mu wa 33, yatanze isezerano ry’uko yari kuzagaruka. Yigereranyije n’umuntu wavukiye mu muryango ukomeye, wagiye mu gihugu cya kure akagaruka ari umwami ufite ububasha. Ubwo rero Yesu yari kuzagaruka aje kugeza ku bantu ubutegetsi bwiza.—Soma muri Luka 19:11, 12.
Yesu azageza abantu ku butegetsi bwiza
Kristo yari kuzagaruka afite umubiri bwoko ki? Yazuwe ari ikiremwa cy’umwuka kitagaragara (1 Petero 3:18). Nyuma yaho yagiye mu ijuru, yicara iburyo bw’Imana (Zaburi 110:1). Nyuma y’igihe kirekire, Yesu yajyanywe imbere ya Yehova Imana, “Umukuru Nyir’ibihe byose,” maze amuha ububasha bwo gutegeka abantu. Ubwo rero, Yesu yari kuzagaruka atari umuntu, ahubwo ari Umwami utagaragara.—Soma muri Daniyeli 7:13, 14.
Yari kuzaba aje gukora iki?
Yari kuzazana n’abamarayika, hanyuma akazacira imanza abantu. Azarimbura abantu babi, ariko abemeye ko ari Umwami azabaha ubuzima bw’iteka.—Soma muri Matayo 25:31-33, 46.
Ubwami bwa Yesu buzahindura isi paradizo. Azazura abapfuye maze abahe ubuzima ku isi izahinduka paradizo.—Soma muri Luka 23:42, 43.
Ibindi wamenya
IBIBAZO BISHINGIYE KURI BIBILIYA
Kuza kwa Kristo bisobanura iki?
Ese Yesu azagaruka tumuboneshe amaso?
IBIBAZO BISHINGIYE KURI BIBILIYA
Ubwami bw’Imana ni iki?
Suzuma impamvu Ubutegetsi bw’Imana buruta ubundi bwose.
UMUNARA W’UMURINZI
Bizagenda bite ku munsi w’urubanza?
Abantu babona umunsi w’urubanza mu buryo butandukanye. Ese birakwiriye ko udutera ubwoba? Ni iki uzamarira abantu?
