Ezekiyeli 48:1-35

FUNGURA

Bagabanya igihugu (1-29)
Amarembo 12 y’umujyi (30-35)
- Umujyi witwa “Yehova Arahari” (35)

48 “Aya ni yo mazina y’imiryango uhereye ku mupaka wo mu majyaruguru: Agace k’abo mu muryango wa Dani,+ kari ku nzira ijya i Hetiloni kugera i Rebo-hamati*+ n’i Hasari-enani, ku mupaka w’i Damasiko ahagana mu majyaruguru, iruhande rw’i Hamati.+ Ako karere gahera ku mupaka w’iburasirazuba kakagera ku mupaka w’iburengerazuba. ² Agace kagenewe Asheri+ kari ku mupaka w’akagenewe Dani, uhereye ku mupaka w’iburasirazuba ukagera ku mupaka w’iburengerazuba. ³ Agace kagenewe Nafutali,+ kari ku mupaka w’akagenewe Asheri, kuva ku mupaka w’iburasirazuba kugeza ku mupaka w’iburengerazuba. ⁴ Agace kagenewe Manase+ kari ku mupaka w’akagenewe Nafutali, kuva ku mupaka w’iburasirazuba kugera ku mupaka w’iburengerazuba. ⁵ Agace kagenewe Efurayimu kari ku mupaka w’akaganewe Manase,+ kuva ku mupaka w’iburasirazuba kugeza ku mupaka w’iburengerazuba. ⁶ Agace kagenewe Rubeni, kari ku mupaka w’akagenewe Efurayimu,+ kuva ku mupaka w’iburasirazuba kugeza ku mupaka w’iburengerazuba. ⁷ Agace kagenewe Yuda, kari ku mupaka w’akagenewe Rubeni,+ kuva ku mupaka w’iburasirazuba kugeza ku mupaka w’iburengerazuba. ⁸ Ku mupaka w’akagenewe Yuda kuva ku mupaka w’iburasirazuba kugeza ku mupaka w’iburengerazuba, muzafateho agace gafite ubugari bw’ibirometero 13.*+ Ako gace kazabe gafite uburebure bungana n’ubw’uduce twahawe indi miryango, uhereye ku mupaka w’iburasirazuba, ukagera ku mupaka w’iburengerazuba. Urusengero ruzabe hagati muri ako gace. ⁹ “Agace muzashyira ku ruhande kagenewe Yehova, kazabe gafite uburebure bw’ibirometero 13* n’ubugari bw’ibirometero 5.* ¹⁰ Aha ni ho hantu hera hazahabwa abatambyi:+ Mu majyaruguru hazaba hareshya n’ibirometero 13,* mu burengerazuba hareshya n’ibirometero 5,* mu burasirazuba hareshya n’ibirometero 5, na ho mu majyepfo hareshya n’ibirometero 13. Urusengero rwa Yehova ruzabamo hagati. ¹¹ Hazaba ah’abatambyi bejejwe bakomoka ku bahungu ba Sadoki+ bakoze imirimo nabahaye kandi batigeze bayoba, igihe Abisirayeli n’Abalewi bayobaga.+ ¹² Bazahabwa agace gakuwe ha hantu hagizwe ahantu hera cyane, ku mupaka w’agace kahawe Abalewi. ¹³ “Abalewi bazahabwe agace kari iruhande rw’akahawe abatambyi, gafite uburebure bw’ibirometero 13* n’ubugari bw’ibirometero 5* (uburebure bwako buzabe ibirometero 13 n’ibirometero 5 by’ubugari). ¹⁴ Ntibakahagurishe kandi ntihakagire uhagurana cyangwa ngo atume aho hantu heza cyane hatwarwa n’abandi, kuko Yehova abona ko ari ikintu cyera. ¹⁵ “Agace gasigaye gafite ubugari bw’ibirometero 2 na metero 600,* kari hafi y’agace gafite uburebure bw’ibirometero 13,* kazaba agace k’umujyi gakorerwamo ibintu bisanzwe,+ abantu bahature kandi habe urwuri.* Umujyi uzabemo hagati.+ ¹⁶ Dore uko umujyi uzaba ungana: Umupaka wo mu majyaruguru uzagira ibirometero 2 na metero 300.* Umupaka wo mu majyepfo ugire ibirometero 2 na metero 300. Umupaka wo mu burasirazuba ugire ibirometero 2 na metero 300 kandi umupaka w’iburengerazuba na wo ugire ibirometero 2 na metero 300. ¹⁷ Umujyi uzagira urwuri* rufite metero 130* mu majyaruguru, metero 130 mu majyepfo, metero 130 mu burasirazuba na metero 130 mu burengerazuba. ¹⁸ “Uburebure bw’ahantu hazasaguka, buzaba bungana n’ubw’ahantu hera,+ ari ibirometero bitanu* mu burasirazuba n’ibirometero bitanu mu burengerazuba. Hazaba hangana n’ahantu hera kandi ibizeramo ni byo abakora mu mujyi bazajya barya. ¹⁹ Abakora mu mujyi bo mu miryango yose ya Isirayeli bazajya bahahinga.+ ²⁰ “Ahantu hose muzatanga, buri ruhande ruzabe rufite ibirometero 13.* Muzateganye ahantu habe ahantu hera, harimo n’ah’umujyi. ²¹ “Ahasigaye mu mpande zombi z’ahantu hera n’ah’umujyi, hafite uburebure bw’ibirometero 13* ku ruhande rwerekeye iburasirazuba n’uburebure bw’ibirometero 13 mu burengerazuba bw’ahantu hera hafite uburebure bw’ibirometero 13, hazaba ah’umutware.+ Hazaba hangana n’uduce tuhegereye kandi hazaba ah’umutware; ahantu hera n’urusengero bizabamo hagati. ²² “Agace kagenewe Abalewi n’agace k’umujyi bizaba hagati y’ibice bibiri by’ahagenewe umutware. Agace kagenewe umutware kazaba hagati y’umupaka w’agace ka Yuda+ n’umupaka w’agace ka Benyamini. ²³ “Ku birebana n’indi miryango isigaye, Benyamini azahabwe agace gahera ku mupaka w’iburasirazuba kakagera ku mupaka w’iburengerazuba.+ ²⁴ Simeyoni azahabwe agace kegeranye n’aka Benyamini,+ uhereye ku mupaka w’iburasirazuba ukagera ku mupaka w’iburengerazuba. ²⁵ Isakari azahabwe agace+ kegeranye n’aka Simeyoni, kuva ku mupaka w’iburasirazuba kugera ku mupaka w’iburengerazuba. ²⁶ Zabuloni azahabwe agace kegeranye n’aka Isakari,+ kuva ku mupaka w’iburasirazuba kugeza ku mupaka w’iburengerazuba.+ ²⁷ Gadi azahabwe agace kegeranye n’aka Zabuloni,+ kuva ku mupaka w’iburasirazuba kugeza ku mupaka w’iburengerazuba. ²⁸ Umupaka wo mu majyepfo ahegereye agace kahawe Gadi, uzahere i Tamari+ ugere ku mazi y’i Meribati-kadeshi,+ ugere ku Kibaya*+ no ku Nyanja Nini.* ²⁹ “Icyo ni cyo gihugu muzagabanya imiryango y’Abisirayeli+ kikaba icyabo kandi aho ni ho bazahabwa,”+ ni ko Umwami w’Ikirenga Yehova avuga. ³⁰ “Aya ni yo azaba amarembo asohoka mu mujyi. Uruhande rwo mu majyaruguru ruzagire ibirometero 2 na metero 300.*+ ³¹ “Amarembo y’umujyi azitirirwa amazina y’imiryango y’Abisirayeli. Mu majyaruguru hazaba amarembo atatu: Rimwe rizitirirwa Rubeni, irindi ryitirirwe Yuda, irindi ryitirirwe Lewi. ³² “Ku ruhande rw’iburasirazuba hazaba hari uburebure bw’ibirometero 2 na metero 300,* habe n’amarembo atatu: Rimwe rizitirirwa Yozefu, irindi ryitirirwe Benyamini, irindi ryitirirwe Dani. ³³ “Uruhande rwo mu majyepfo ruzagira ibirometero 2 na metero 300* rugire n’amarembo atatu: Rimwe rizitirirwa Simeyoni, irindi ryitirirwe Isakari, irindi ryitirirwe Zabuloni. ³⁴ “Uruhande rwo mu burengerazuba ruzagira uburebure bw’ibirometero 2 na metero 300,* rugire n’amarembo atatu: Rimwe rizitirirwa Gadi, irindi ryitirirwe Asheri, irindi ryitirirwe Nafutali. ³⁵ “Umuzenguruko w’uwo mujyi uzagira ibirometero 9 na metero 200.* Kuva uwo munsi uwo mujyi uzitwa “Yehova Arahari.”+

Ibisobanuro ahagana hasi

^ Cyangwa “ku marembo y’i Hamati.”

^ Mu rurimi iki gitabo cyanditswemo ni “imikono 25.000.” Uyu ni umukono muremure. Reba Umugereka wa B14.