Mika 3:1-12
3 Nuko ndavuga nti: “Nimutege amatwi mwa bayobozi b’abakomoka kuri Yakobo mwe,Namwe bakuru b’Abisirayeli.+
Ese ntimwagombye kuba musobanukiwe ibikwiriye ibyo ari byo?
2 Mwanga ibyiza+ mugakunda ibibi.+
Muvana* uruhu ku bantu banjye, mugakura n’inyama ku magufwa yabo.+
3 Nanone murya inyama z’abantu banjye,+Mukabakuraho uruhu,Mukamenagura amagufwa yabo kandi mukayajanjagura,+Akamera nk’ayo gushyira mu nkono, cyangwa nk’inyama zo gushyira mu cyungo.
4 Dore igihe kizagera mutabaze Yehova,Ariko ntazabasubiza.
Icyo gihe ntazabumva,+Bitewe n’ibibi mwakoze.+
5 Ibi ni byo Yehova avuga ku birebana n’abahanuzi bayobya abantu banjye:+
Iyo hagize ubaha icyo kurya+ bamubwira ko hari amahoro,+Utagize icyo abaha bakamurwanya.
6 ‘Muzaba mu mwijima+ kandi ntimuzongera kugira icyo mwerekwa.+
Ntimuzabona umucyo, kandi nta wuzongera guhanura.
Izuba rizarengera ku bahanuzi,Kandi amanywa azabahindukira ijoro.+
7 Abantu berekwa bazakorwa n’isoni,+Kandi abavuga ibizaba bazashoberwa.
Bose bazapfuka umunwa,Bitewe n’isoni kuko Imana itazabasubiza.’”
8 Naho njye nzuzura imbaraga ziturutse ku mwuka wera wa Yehova,Ngire ubutabera n’ubutwari,Kugira ngo menyeshe abakomoka kuri Yakobo ukuntu bigometse, n’Abisirayeli mbamenyeshe icyaha cyabo.
9 Nimutege amatwi ibi mwa bayobozi b’abakomoka kuri Yakobo mwe,Namwe bakuru b’Abisirayeli,+Mwe mwanga ubutabera, kandi ibibi mukabona ko ari byiza.*+
10 Mwica abantu kugira ngo mwubake Siyoni, mugakora n’ibikorwa bibi kugira ngo mwubake Yerusalemu.+
11 Abayobozi baho baca imanza ari uko bahawe ruswa,+Abatambyi baho bakigisha ari uko bahawe ibihembo.+
Abahanuzi baho bahanura ibizaba ari uko bahawe amafaranga.+
Nyamara bavuga ko bishingikiriza kuri Yehova bagira bati:
“Nta byago bizatugeraho+Kuko Yehova ari kumwe natwe.”+
12 Ni cyo gituma Siyoni izahingwa nk’umurima,Ari mwe izize.
Yerusalemu izahinduka ibirundo by’amatongo+N’ishyamba ritwikire umusozi uriho urusengero.+
