Yeremiya 6:1-30
6 Mwe abakomoka kuri Benyamini, nimuve muri Yerusalemu mushake aho mwihisha.
Muvugirize ihembe+ i Tekowa,+Mushyire ikimenyetso cy’umuriro i Beti-hakeremuKuko ibyago bije biturutse mu majyaruguru ibyago bikomeye.+
2 Umukobwa w’i Siyoni asa n’umugore mwiza kandi w’umutesi.+
3 Abashumba bazazana n’amatungo yabo,Bubake amahema yabo amuzengurutse,+Buri wese aragire intama ashinzwe kwitaho.+
4 “Mwitegure* kurwana na we,Muhaguruke maze tumutere ku manywa.”
“Tugushije ishyano kuko umunsi uri hafi kurangira,Butangiye kwira.”
5 “Muhaguruke tumutere ari nijoro,Dusenye iminara ye ikomeye.”+
6 Yehova nyiri ingabo aravuga ati:
“Muteme ibiti, mwubake ibyo kuririraho muteye Yerusalemu.+
Ni umujyi ufite ibyo uhanirwa,Wuzuye ibikorwa byo kurenganya abantu gusa.+
7 Nk’uko ikigega kibika amazi agakomeza gukonja,Ni ko na we akomeza gukora ibikorwa bye by’ubugome.
Urugomo no gusenya byuzuye muri we.+
Indwara n’icyago bihora imbere yanjye.
8 Yerusalemu we, emera inama ugiriwe nibitaba ibyo nkwange.*+
Nzagusenya uhinduke igihugu kidatuwe.”+
9 Yehova nyiri ingabo aravuga ati:
“Bazahumba* abasigaye bo muri Isirayeli babamareho, nk’uko bahumba imizabibu yasigaye ku giti.
Ongera unyuze ikiganza mu giti cy’imizabibu, nk’uko umuntu usoroma imizabibu abigenza.”
10 “Ni nde nabwira kandi nkamugira inama?
Ni nde uzanyumva?
Amatwi yabo ntiyumva,* ku buryo badashobora kwita ku byo babwirwa.+
Ijambo rya Yehova bararisuzugura,+Ntibaryishimira.
11 Ni yo mpamvu uburakari bwa Yehova bunyuzuyemoKandi nkaba ntashobora gukomeza kubugumana.”+
“Busuke ku mwana uri mu muhanda,+Ku itsinda ry’abasore bari kumwe.
Bose bazafatwa, umugabo n’umugore,Umuntu ushaje n’umuntu ushaje cyane.+
12 Amazu yabo azahabwa abandi bantu,Imirima yabo n’abagore babo na byo babitware,+Kubera ko nzarambura ukuboko kwanjye kugira ngo mpane abatuye muri icyo gihugu,” ni ko Yehova avuga.
13 “Buri wese, uhereye ku muto muri bo ukageza ku mukuru, yishakira inyungu abanje guhemuka;+Uhereye ku muhanuzi ukageza ku mutambyi, buri wese ni umutekamutwe.+
14 Bagerageza kuvura igikomere* cy’abantu banjye bavura inyuma gusa,* bakavuga bati:
‘Hari amahoro! Hari amahoro!’
Kandi nta mahoro ariho.+
15 Ese bumva bafite isoni bitewe n’ibintu byangwa bakoze?
Nta kimwaro bibatera,Nta n’isoni bagira.+
Ni yo mpamvu bazagwa mu bamaze kugwa.
Nimbahana bazasitara.” Ni ko Yehova avuga.
16 Yehova aravuga ati:
“Muhagarare aho imihanda ihurira maze murebe.
Mubaririze iby’imihanda ya kera,Mubaze aho inzira nziza iri, abe ari yo munyuramo,+Maze murebe ukuntu muzamererwa neza.”*
Ariko baravuga bati: “Ntituzayinyuramo.”+
17 “Nabashyiriyeho umurinzi+ uvuga ati:
‘Mwumve ijwi ry’ihembe!’”+
Ariko baravuga bati: “Ntituzaryumva.”+
18 “None rero mwa bihugu mwe, nimwumve!
Namwe mwa bantu mwe,Mumenye ibizababaho.
19 Wa si we, tega amatwi.
Ngiye guteza ibyago aba bantu+Mbahora ibitekerezo byabo bibi,Kuko batigeze bita ku magambo yanjyeKandi banze amategeko* yanjye.”
20 “Kuba munzanira ububani* buturutse i ShebaN’urubingo ruhumura neza ruturutse mu gihugu cya kure, nta cyo bimariye.
Ibitambo byanyu bitwikwa n’umuriro ntibyemeweKandi ibitambo byanyu ntibinshimisha.”+
21 Ni yo mpamvu Yehova avuga ati:
“Ngiye gushyira imbere y’aba bantu ibintu bishobora kubasitazaKandi bazabisitaraho,Ababyeyi b’abagabo basitarire rimwe n’abahungu babo;Umuturanyi asitarire rimwe na mugenzi weKandi bose bazarimbuka.”+
22 Yehova aravuga ati:
“Hari abantu baje baturutse mu gihugu cyo mu majyaruguruKandi hari abantu bakomeye bazahagurutswa, baturutse mu turere twa kure cyane tw’isi.+
23 Bazaza bafite umuheto n’icumu.
Ni abagome kandi nta muntu bazagirira impuhwe.
Bazaba bafite urusaku nk’urw’inyanja irimo umuyaga mwinshiKandi bagendera ku mafarashi.+
Biteguye urugamba nk’umugabo w’intwari kugira ngo bakurwanye, wowe mukobwa w’i Siyoni we.”
24 Twumvise bavuga ibyabo.
Amaboko yacu yacitse intege.+
Twishwe n’agahinda,Tugira imibabaro* nk’iy’umugore uri kubyara.+
25 Ntimusohoke ngo mujye kure y’umujyiKandi ntimunyure mu muhanda,Kuko umwanzi afite inkota.
Atera ubwoba ahantu hose.
26 Yewe mukobwa w’ubwoko bwanjye we,Ambara imyenda y’akababaro*+ kandi wigaragure mu ivu.
Rira nk’umuntu uririra umuhungu we w’ikinege* wapfuye,+Kuko umurimbuzi azaza adutunguye.+
27 “Nakugize* uwo gusuzuma ibyuma mu bantu banjye,Nkugira umuntu ukora ubushakashatsi.
Ugomba kubigenzura ubyitondeye kandi ukamenya ibyo bakora.
28 Bose bakabije kutumva,+Bagenda ahantu hose basebya abandi,+Bameze nk’umuringa n’icyuma.
Bose bakora ibibi.
29 Umukozi akoresha imbaraga kugira ngo atunganye icyuma.
Yakomeje guhungiza umuriro kugeza ubwo ibintu akoresha ahungiza byahiriye, ariko nta cyo byatanze.
Nta kindi kivamo uretse icyuma kidakomeye.*+
Abantu babi ntibigeze bakurwa mu bantu banjye.+
30 Abantu bazabita ifeza idafite icyo imaze,*Kuko Yehova yabanze.”+
Ibisobanuro ahagana hasi
^ Mu rurimi iki gitabo cyanditswemo ni “mwiyeze.”
^ Cyangwa “ubugingo bwanjye bukwange.”
^ Guhumba ni ukujya gushaka imyaka yasigaye mu murima bamaze gusarura. Reba Ibisobanuro by’amagambo.
^ Mu rurimi iki gitabo cyanditswemo ni “amatwi yabo ntiyakebwe.”
^ Cyangwa “imvune.”
^ Cyangwa “baca hejuru.”
^ Cyangwa “ubugingo bwanyu buzamererwa neza.”
^ Cyangwa “amabwiriza.”
^ Ni ukuvuga, ibintu bimeze nk’amariragege batwika bikavamo umwotsi uhumura cyane.
^ Mu rurimi iki gitabo cyanditswemo ni “ibise.”
^ Cyangwa “ibigunira.”
^ Ni umwana wavutse ari umwe.
^ Ubwirwa aha ni Yeremiya.
^ Cyangwa “icyuma cy’isasu.”
^ Cyangwa “yanzwe.”
