Yeremiya 9:1-26
9 Iyaba umutwe wanjye wari iriba ry’amarira,Amaso yanjye akaba isoko yaryo.+
Narira amanywa n’ijoro,Ndirira abishwe bo mu bantu banjye.
2 Iyaba nari mfite icumbi ry’abagenzi mu butayu!
Nasiga abantu banjye nkigendera,Nkajya kure yabo kuko bose ari abasambanyi,+Agatsiko k’indyarya.
3 Bafora ururimi rwabo nk’umuheto.
Mu gihugu nta budahemuka buhari ahubwo huzuyemo ibinyoma.+
“Bagenda barushaho gukora ibibiKandi ntibumva ibyo mbabwira.”+ Ni ko Yehova avuga.
4 “Buri wese yirinde incuti ye.
Ntimukiringire n’umuvandimwe wanyu,Kuko umuvandimwe wese ari umugambanyi+Kandi incuti yose ikaba isebanya.+
5 Buri wese atekera umutwe mugenzi weKandi nta n’umwe uvuga ukuri.
Bigishije ururimi rwabo kuvuga ibinyoma.+
Bananizwa no gukora ibibi.”
6 Nanone Yehova aravuga ati: “Utuye mu binyoma.
Banze kumenya bitewe n’ibinyoma byabo.”
7 Ni yo mpamvu Yehova nyiri ingabo avuga ati:
“Nzabashongesha kandi mbasuzume,+Kuko nta kindi nakorera umukobwa w’abantu banjye.
8 Ururimi rwabo ni umwambi wica. Ruvuga ibinyoma.
Umuntu avugana iby’amahoro na mugenzi we,Ariko mu mutima we akamutega umutego.”
9 Yehova aravuga ati: “Ese sinkwiriye kubabaza ibyo bakora?
Ese sinkwiriye kwihorera* ku gihugu kimeze gityo?+
10 Nzaririra imisozi, ngire agahindaKandi nzaririmbira indirimbo y’agahinda inzuri* zo mu butayu;Kuko byatwitswe kugira ngo hatagira umuntu uhanyuraKandi ijwi ry’amatungo ntirikihumvikana.
Inyoni zo mu kirere n’inyamaswa byarahunze. Byarigendeye.+
11 Yerusalemu nzayihindura ikirundo cy’amabuye+ n’aho ingunzu* ziba+Kandi nzatuma imijyi y’u Buyuda isigaramo ubusa, nta wuyituyemo.+
12 Ni nde ufite ubwenge bwinshi, ku buryo yasobanukirwa ibi bintu?
Ni nde akanwa ka Yehova kabibwiye, kugira ngo abitangaze?
Kuki iki gihugu cyarimbutse?
Kuki iki gihugu cyatwitswe kikamera nk’ubutayu,Ku buryo nta muntu ukinyuramo?”
13 Yehova arasubiza ati: “Ni ukubera ko banze amategeko* nari narabahaye, ntibayakurikize kandi nanjye ntibanyumvire.
14 Ahubwo bumviye imitima yabo itumva,+ basenga ibishushanyo bya Bayali, nk’uko ba sekuruza babibigishije.+
15 Kubera iyo mpamvu Yehova nyiri ingabo, Imana ya Isirayeli, aravuga ati: ‘dore aba bantu ngiye kubaha igiti gisharira cyane bakirye, mbahe n’amazi arimo uburozi bayanywe.+
16 Nzabatatanyiriza mu bihugu bo n’abo bakomokaho batigeze bamenya+ kandi nzatuma abanzi babo babakurikira bafite inkota, kugeza igihe nzabamaraho burundu.’+
17 Yehova nyiri ingabo aravuga ati:
‘Mugaragaze ko mufite ubwenge.
Muhamagaze abagore baririmba indirimbo z’agahinda;+Ndetse mutumeho abagore bafite ubuhanga bwo kurira,
18 Kugira ngo baze bihuta baturirire,Amaso yacu asuke amariraKandi amaso yacu atembe amazi.+
19 Kuko i Siyoni humvikanye ijwi ryo kurira rigira riti:+
“Mbega ngo turahura n’ibyago!
Twakozwe n’isoni bikabije,Kuko twavuye mu gihugu kandi bashenye amazu yacu.”+
20 Mwa bagore mwe, nimwumve ibyo Yehova avuga.
Mutege amatwi ijambo ryo mu kanwa ke.
Mwigishe abakobwa banyu indirimbo yo kuriraKandi mwigishanye iyi ndirimbo y’agahinda.+
21 Kuko urupfu rwinjiriye mu madirishya yacu;Rwinjiye mu minara yacu ikomeyeKugira ngo rumare abana mu mihandaKandi rumare abasore ahahurira abantu benshi.’+
22 Vuga uti: ‘ibi ni byo Yehova avuga ati:
“Imirambo y’abantu bishwe, izamera nk’ifumbire ku gasozi,Imere nk’ibinyampeke umusaruzi atemye akabisiga inyuma ye,Nta muntu uhari wo kubirunda hamwe.”’”+
23 Yehova aravuga ati:
“Umunyabwenge ye kwiyemera kubera ubwenge bwe,+Umunyambaraga ye kwiyemera kubera imbaraga zeN’umukire ye kwiyemera kubera ubukire bwe.”+
24 Yehova aravuga ati: “Ahubwo uwirata yirate ibi:
Yirate ko afite ubushishozi kandi ko anzi,+Akamenya ko ndi Yehova, Imana igaragaza urukundo rudahemuka, ubutabera no gukiranuka mu isi,+Kuko ibyo ari byo nishimira.”+
25 Yehova aravuga ati: “Hari igihe kizagera, ngahana umuntu wese wakebwe* ariko mu by’ukuri atarakebwe,+
26 ni ukuvuga Egiputa,+ Yuda,+ Edomu,+ Abamoni,+ Mowabu+ n’abandi bose batuye mu butayu bafite imisatsi ikatiye mu misaya,+ kuko ibihugu byose bitakebwe n’abo mu muryango wa Isirayeli bose bakaba batarakebwe mu mutima.”+
Ibisobanuro ahagana hasi
^ Cyangwa “guhorera ubugingo bwanjye.”
^ Urwuri ni ahantu haba hari ubwatsi, bakaharagira amatungo maze akarisha.
^ Ni inyamaswa imeze nk’imbwa.
^ Cyangwa “amabwiriza.”
^ Cyangwa “wasiramuwe.” Reba Ibisobanuro by’amagambo ku ijambo “Gukebwa.”
