Yesaya 29:1-24
29 “Ariyeli* igushije ishyano, Ariyeli wa mujyi Dawidi yashinzemo inkambi!+
Umwaka muwukurikize undi,Iminsi mikuru+ ikomeze.
2 Ariko Ariyeli+ nzayiteza ibyago,Hazaba amarira no kuganya+Kandi Ariyeli izambera nk’iziko ry’igicaniro cy’Imana.+
3 Nzashinga amahema mu mpande zawe zose,Nzakuzengurutsaho uruzitiro,Nkubakeho ibyo kukugota.+
4 Uzacishwa bugufi.
Uzajya uvugira hasi ku butakaKandi ibyo uzavuga ntibizumvikana bitewe n’umukungugu.
Ijwi ryawe rizaturuka hasi ku butaka+Rimeze nk’ijwi ry’umushitsiKandi amagambo yawe azaturuka mu mukungugu atumvikana neza.
5 Abanzi* bawe benshi bazahinduka nk’ivumbi+Kandi abantu benshi bategekesha igitugu bazamera nk’umurama utumuka.+
Ibyo bizaba mu kanya gato bitunguranye.+
6 Yehova nyiri ingabo azakwitaho,Akurindishe inkuba, umutingito, ijwi rikomeye,Serwakira, umuyaga mwinshi n’ibirimi by’umuriro bitwika.”+
7 Hanyuma abantu benshi bo mu mahanga barwanya Ariyeli,+Abayirwanya bose,Iminara barwaniramoN’abayigirira nabi,Bazahinduka nk’inzozi, iyerekwa rya nijoro.
8 Koko rero, bizamera nk’umuntu ushonje urota aryaAriko yakanguka agasanga ashonje*Kandi bizamera nk’umuntu ufite inyota* urota anywaAriko agakanguka ananiwe kandi afite inyota.
Uko ni ko bizagendekera abantu benshi bo mu bihugu byoseBarwanya Umusozi wa Siyoni.+
9 Nimutangare kandi mwumirwe.+
Nimwipfuke amaso kugira ngo mutabona.+
Barasinze, ariko ntibasinze divayi.
Barasinze bagenda badandabirana, ariko bidatewe n’inzoga.
10 Yehova yabashyize mu bitotsi byinshi cyane.+
Yahumye amaso yanyu, ari bo bahanuzi+Kandi atwikira imitwe yanyu, ni ukuvuga abantu banyu bamenya ibyo Imana ishaka.+
11 Iyerekwa ryose ribabera nk’amagambo yo mu gitabo cyafungishijwe kashe.+ Nibagiha umuntu uzi gusoma bakamubwira bati: “Soma iki gitabo mu ijwi ryumvikana,” azabasubiza ati: “Sinashobora kugisoma kuko gifungishije kashe.”
12 Kandi icyo gitabo nibagiha umuntu utazi gusoma bakamubwira bati: “Soma iki gitabo,” azabasubiza ati: “Sinzi gusoma.”
13 Yehova aravuga ati: “Aba bantu banyegera mu magambo gusaKandi banyubahisha iminwa yabo,+Ariko imitima yabo bayishyize kure yanjye.
Kuba bantinya babiterwa n’amategeko bigishijwe n’abantu.+
14 Kubera iyo mpamvu ni njye ugiye kongera kubakorera ibintu bitangaje,+Ikintu gitangaje kize gikurikiye ikindi.
Ubwenge bw’abanyabwenge babo buzarimbukaKandi ubushobozi bwo gusobanukirwa bw’abahanga babo buzahishwa.”+
15 Bazabona ishyano abagerageza guhisha Yehova imigambi* yabo.+
Ibikorwa byabo babikorera ahantu hijimye,Bakavuga bati: “Nta wuturebaKandi nta wuzi ibyo dukora.”+
16 Mbega ukuntu mwitiranya ibintu!*
Ese umubumbyi yafatwa nk’ibumba?+
Ese icyakozwe cyakwihakana uwagikoze,Kikavuga kiti: “Si we wankoze?”+
Ese icyabumbwe cyavuga ku wakibumbye kiti:
“Nta bwenge agira?”+
17 Hasigaye igihe gito, Libani igahinduka umurima w’ibiti byera imbuto+N’umurima w’ibiti byera imbuto ugafatwa nk’ishyamba.+
18 Icyo gihe abatumva bazumva amagambo yo mu gitaboKandi amaso y’abatabona azarebera mu mwijima no mu mwijima mwinshi cyane.+
19 Abicisha bugufi bazarushaho kwishimira YehovaKandi abakene bazishimira Uwera wa Isirayeli.+
20 Kuko umuntu utegekesha igitugu atazongera kubaho,Uwiyemera agakurwahoN’abandi bantu bahora bategereje kugirira abandi nabi bakarimbuka,+
21 Abantu bashinja abandi amakosa bababeshyera,Bagatega imitego umuntu uburanira ku marembo y’umujyi*+Kandi bakarega umukiranutsi ibirego bidafite gihamya kugira ngo bamurenganye.+
22 Ni yo mpamvu Yehova, we wacunguye Aburahamu,+ yabwiye abagize umuryango wa Yakobo ati:
“Yakobo ntazongera gukorwa n’isoniKandi mu maso he ntihazongera kugaragara ikimwaro.*+
23 Kuko ubwo azabona abana be,Ari bo murimo w’amaboko yanjye, bari kumwe na we,+Bazeza izina ryanjye.
Rwose bazeza Uwera wa YakoboKandi bazatinya Imana ya Isirayeli.+
24 Abayobye mu mitima yabo bazagira ubushobozi bwo gusobanukirwaKandi abitotomba bazemera kwigishwa.”
Ibisobanuro ahagana hasi
^ Bishobora kuba bisobanura “iziko ry’igicaniro cy’Imana,” byerekeza kuri Yerusalemu.
^ Mu rurimi iki gitabo cyanditswemo ni “abanyamahanga.”
^ Cyangwa “ubugingo bwe burimo ubusa.”
^ Cyangwa “ubugingo bwe bwumagaye.”
^ Cyangwa “inama.”
^ Cyangwa “mbega ngo murononekara!”
^ Mu rurimi iki gitabo cyanditswemo ni “ucyahira ku irembo ry’umujyi.”
^ Ni ukuvuga, gushoberwa.
