Yesaya 43:1-28
43 Yakobo we, umva uko Yehova Umuremyi wawe,Wakubumbye wowe Isirayeli, avuga ati:+
“Ntutinye kuko nagucunguye.+
Naguhamagaye mu izina ryawe.
Uri uwanjye.
2 Nunyura mu mazi menshi, nzaba ndi kumwe nawe+Kandi nunyura mu nzuzi ntizizakurengera.+
Nunyura mu muriro ntuzashyaKandi ntuzakubabura,
3 Kuko ndi Yehova Imana yawe,Uwera wa Isirayeli, Umukiza wawe.
Natanze Egiputa ngo ibe incungu yawe,Ntanga Etiyopiya na Seba mu mwanya wawe.
4 Kubera ko mbona ko uri uw’agaciro,+Nagufashe nk’umunyacyubahiro kandi naragukunze.+
Nzatanga abantu mu mwanya wawe,Ntange n’ibihugu byinshi kugira ngo ndokore ubuzima* bwawe.
5 Ntutinye kuko ndi kumwe nawe.+
Nzazana urubyaro rwawe ruve iburasirazubaKandi nzabahuriza hamwe bave iburengerazuba.+
6 Nzabwira amajyaruguru nti: ‘barekure.’+
Mbwire n’amajyepfo nti: ‘ntubagumane.
Garura abahungu banjye bave kure n’abakobwa banjye bave ku mpera z’isi,+
7 Ugarure uwitirirwa izina ryanjye wese,+Uwo naremye kugira ngo agaragaze ikuzo ryanjye,Uwo nabumbye ngatuma abaho.’+
8 Zana abantu batabona nubwo bafite amaso,Uzane n’abantu batumva nubwo bafite amatwi.+
9 Ibihugu byose nibiteranire hamweN’abantu bahurire hamwe.+
Ni nde muri bo ushobora kuvuga ibintu nk’ibyo?
Cyangwa se bashobora gutuma twumva ibintu bya mbere?*+
Ngaho nibazane abatangabuhamya babo kugira ngo bagaragaze ko bavuga ukuri,Cyangwa se abandi nibumve maze bavuge bati: ‘ibi ni ukuri!’”+
10 Yehova aravuga ati: “Muri abahamya banjye;+Ndetse muri umugaragu wanjye natoranyije+Kugira ngo mumenye, munyizereKandi musobanukirwe ko mpora ndi wa wundi.+
Mbere yanjye nta Mana yigeze kubahoKandi na nyuma yanjye nta yindi yigeze ibaho.+
11 Njyewe, ni njye Yehova+ kandi nta wundi mukiza utari njye.”+
12 Yehova aravuga ati: “Ni njyewe watangaje, ndakiza kandi ntuma bimenyekana,Igihe nta yindi mana yari muri mwe.+
Ni yo mpamvu muri abahamya banjye, nanjye nkaba Imana.+
13 Nanone, mpora ndi wa wundi+Kandi nta wushobora kugira icyo akura mu kuboko kwanjye.+
Ese ningira icyo nkora hari uzambuza kugikora?”+
14 Yehova Umucunguzi wanyu,+ Uwera wa Isirayeli, aravuga ati:+
“Nzohereza intumwa i Babuloni ku bwanyu, nsenye amarembo yose+Kandi Abakaludaya bari mu mato yabo, bazataka bitewe n’agahinda.+
15 Ndi Yehova Uwera wanyu,+ Umuremyi wa Isirayeli+ nkaba n’Umwami wanyu.”+
16 Ibi ni byo Yehova avuga,We uca inzira mu nyanja,Agaharura umuhanda mu mazi menshi arimo umuhengeri,+
17 We usohora igare ry’intambara n’ifarashi,+Agasohora abasirikare bari kumwe n’abarwanyi b’intwari, ati:
“Bazaryama hasi kandi ntibazabyuka.+
Bazazima burundu, babazimye nk’uko bazimya urutambi.”*
18 “Ibya mbere ntimubyibukeKandi ntimukomeze gutekereza ku bya kera.
19 Dore ngiye gukora ikintu gishya+Kandi ubu kiragaragara.
Ese ntimukibona?
Nzacisha inzira mu butayu+N’ahantu hatagira amazi mpacishe imigezi.+
20 Inyamaswa zo mu gasozi,Ingunzu* na otirishe* zizanyubaha,Kuko ntuma mu butayu haba amazi,Ahataba amazi hakaba imigezi,+Kugira ngo ubwoko bwanjye, ni ukuvuga abantu banjye natoranyije+ bayanywe,
21 Abo niremeyeKugira ngo batangaze ikuzo ryanjye.+
22 Ariko Yakobo we, ntiwigeze unsenga.*+
Isirayeli we, warandambiwe.+
23 Ntiwanzaniye intama z’ibitambo byawe bitwikwa n’umuriro,Cyangwa ngo unyubahishe ibitambo byawe.
Sinaguhatiye kumpa amaturoKandi sinakuruhije ngusaba ububani.*+
24 Ntiwigeze utanga amafaranga yawe ngo ungurire urubingo ruhumuraKandi ntiwigeze unshimisha ukoresheje ibinure byo ku bitambo byawe.+
Ahubwo ibyaha byawe byambereye umutwaroKandi nanizwa n’amakosa yawe.+
25 Njyewe, ni njye uhanagura ibicumuro*+ byawe kubera izina ryanjye+Kandi ibyaha byawe sinzabyibuka.+
26 Ngaho nyibutsa; reka tuburane,Wisobanure kugira ngo ugaragaze ko uri mu kuri.
27 Sogokuruza wa mbere na mbere yakoze icyahaKandi abavugizi* bawe banyigometseho.+
28 Ni yo mpamvu nzabona ko abatware bakorera ahera banduye*Kandi nzatanga Yakobo arimburweNtange na Isirayeli atukwe.+
Ibisobanuro ahagana hasi
^ Cyangwa “ubugingo.”
^ Bishobora kuba bisobanura “ibintu bizabanza kubaho mu gihe kiri imbere.”
^ Ni agashumi bashyiraga mu itara, bagacana kakaka.
^ Ni inyamaswa imeze nk’imbwa.
^ Cyangwa “imbuni.”
^ Mu rurimi iki gitabo cyanditswemo ni “umpamagara.”
^ Ni ukuvuga, ibintu bimeze nk’amariragege batwika bikavamo umwotsi uhumura cyane.
^ Cyangwa “ibikorwa byo kwigomeka.”
^ Bishobora kuba bisobanura “abigisha Amategeko.”
^ Cyangwa “bahumanye.”
