Ingero zo muri Bibiliya:

• Luka 20:37, 38​—Yesu yasobanuye ko umuzuko uzabaho koko, agaragaza ko kuri Yehova, ari nk’aho abapfuye bakiriho

• Yoh 11:5, 6, 11-14​—Igihe Lazaro wari incuti ya Yesu yapfaga, Yesu yagereranyije urupfu no gusinzira

• Heb 2:14, 15​—Intumwa Pawulo yavuze ko tutagombye gukabya gutinya urupfu

Ingero zo muri Bibiliya:

• Muri Bibiliya havugwamo inkuru z’abantu icyenda bazutse, umunani muri bo bakaba barazutse bakaba ku isi. Buri nkuru ihumuriza abapfushije kandi igatuma bagira ibyiringiro by’igihe kizaza

  • 1Bm 17:17-24​—Umuhanuzi Eliya yazuye umwana w’umuhungu w’umupfakazi wo mu mujyi wa Sarefati, mu gihugu cya Sidoni

  • 2Bm 4:32-37​—Umuhanuzi Elisa yazuye umwana w’umuhungu wo mu mujyi wa Shunemu, maze amusubiza ababyeyi be

  • 2Bm 13:20, 21​—Hari umugabo wari umaze igihe gito apfuye, umurambo we ukoze ku magufwa y’umuhanuzi Elisa, uwo mugabo ahita azuka

  • Luka 7:11-15​—Igihe Yesu yari mu mujyi wa Nayini, yahuye n’abantu bari bagiye gushyingura umwana w’umuhungu wari ufite nyina w’umupfakazi, aramuzura

  • Luka 8:41, 42, 49-56​—Yesu yazuye umukobwa wa Yayiro wari umutware w’isinagogi

  • Yoh 11:38-44​—Yesu yazuye incuti ye Lazaro, yongera kumuhuza na bashiki be ari bo Mariya na Marita

  • Ibk 9:36-42​—Intumwa Petero yazuye Dorukasi, Umukristokazi wakundwaga cyane kubera ibikorwa bye by’ineza

  • Ibk 20:7-12​—Intumwa Pawulo yazuye umusore witwaga Utuko, wari wapfuye ahanutse mu idirishya

•  Yesu Kristo yarazuwe ahabwa ubuzima budapfa mu ijuru, ibyo bikaba bitwizeza ko ibyo Imana yadusezeranyije byose bizabaho

  • Ibk 17:31; 1Pt 3:18

• Yesu ni we wa mbere wazuwe agahabwa ubuzima budapfa mu ijuru, ariko si we wa nyuma; abigishwa be 144.000 na bo bazuka batyo

  • 1Kor 15:20, 23, 51-53; 1Ts 4:16, 17; Ibh 14:1