INGINGO YA 4
Kubakira neza imirongo y’Ibyanditswe
Matayo 22:41-45
INSHAMAKE: Mbere yo gusoma umurongo w’Ibyanditswe, jya ubanza utegure ubwenge bw’abaguteze amatwi.
UKO WABIGENZA:
-
Tekereza impamvu ugiye gusoma uwo murongo. Mbere yo gusoma umurongo, jya ubanza ufashe abaguteze amatwi kumenya ibintu by’ingenzi biwukubiyemo.
-
Garagaza ko Bibiliya ari yo ituyobora. Mu gihe uganira n’abantu bemera Imana, jya ubereka ko Bibiliya ari Ijambo ryayo. Nubigenza utyo, uzaba ugaragaje ko Bibiliya ari yo soko y’ubwenge.
-
Tera amatsiko abaguteze amatwi. Baza ikibazo kiri busubizwe n’uwo murongo, werekane ibibazo uwo murongo wakemura cyangwa uvuge ihame riwukubiyemo.