Yesu Kristo ni Umwana wa Yehova akaba n’incuti ye magara. Mbere y’uko Yesu aba umuntu hano ku isi, yabanje kuba mu ijuru ari ikiremwa gikomeye cy’umwuka (Yohana 17:5). Hanyuma, yaje ku isi kugira ngo yigishe abantu ukuri ku bihereranye n’Imana (Yohana 18:37). Nanone kandi, yatanze ubuzima bwe bwa kimuntu kugira ngo akize icyaha n’urupfu abantu bumvira (Abaroma 6:23). Ubu ngubu, Yesu ni Umwami w’Ubwami bw’Imana, ubutegetsi bwo mu ijuru buzazana Paradizo kuri iyi si.​—Ibyahishuwe 19:16.

Abamarayika na bo ni incuti z’Imana. Abamarayika ntibatangiye kubaho ari abantu ku isi. Baremewe mu ijuru mbere y’uko Imana irema isi (Yobu 38:4-7). Abamarayika babarirwa muri za miriyoni (Daniyeli 7:10). Izo ncuti z’Imana zo mu ijuru, zifuza ko abantu bamenya ukuri ku bihereranye na Yehova.​—Ibyahishuwe 14:6, 7.

Nanone, Imana ifite incuti ku isi; ibita abahamya bayo. Mu rukiko, umuhamya avuga ibyo azi ku bihereranye n’umuntu cyangwa ikintu runaka. Abahamya ba Yehova babwira abandi bantu ibyo bazi kuri Yehova n’imigambi ye (Yesaya 43:10). Kimwe n’abamarayika, Abahamya na bo bifuza kugufasha kumenya ukuri ku bihereranye na Yehova. Bifuza ko nawe waba incuti y’Imana.