Uyu mutwe utwinjiza mu Byanditswe by’ikigiriki bya gikristo. Yesu yavukiye mu muryango woroheje wabaga mu mugi muto. Yakoranaga na se wari umubaji. Yehova yatoranyije Yesu ngo abe Umwami w’Ubwami bwo mu ijuru kandi acungure abantu. Niba uri umubyeyi, fasha umwana wawe kumenya uko Yehova yatoranyije umuryango Yesu yari gukuriramo. Musuzume uko Yehova yarinze Yesu kugira ngo Herode atamwica n’ukuntu nta gishobora kuburizamo umugambi wa Yehova. Murebe uko Yehova yohereje Yohana ngo ategurire Yesu inzira. Musobanurire ko kuva Yesu akiri muto yagaragaje ko yakundaga ubwenge bwa Yehova.