KOMEZA KUBA MASO
Urugomo rukorerwa abanyapolitike—Ni iki Bibiliya ibivugaho?
Ibikorwa by’urugomo bikorerwa abanyapolitike biragenda bifata indi ntera kandi bigahangayikisha abantu benshi.
Muri Megizike hishwe abanyapolitike bagera kuri 39 mu gihe cy’amatora yo mu mwaka wa 2024. Ibyo bintu ni bwo bwa mbere byari bibaye mu mateka y’icyo gihugu kandi byatumye abantu bahahamuka.
Vuba aha, mu Burayi habaye ibikorwa byinshi by’urugomo byibasiye abanyapolitike, urugero nk’ibyabaye ku itariki ya 15 Gicurasi 2024, ubwo bashakaga kwica Minisitiri w’Intebe wa Silovakiya.
Ku itariki ya 13 Nyakanga 2024, abaturage bo muri Amerika batunguwe cyane n’umuntu washatse kwica Donald Trump, wahoze ari Perezida wa Amerika.
Kuki ibikorwa by’urugomo bikorerwa abanyapolitike bikomeje kwiyongera? Ese bizarangira? Ni iki Bibiliya ibivugaho?
Bibiliya yari yarabihanuye
Bibiliya yari yaravuze ko muri iki gihe cy’iminsi y’imperuka, abantu benshi bari kugira imyifatire ituma bagira urugomo kandi ntibumvikane. Yagize iti:
‘Mu minsi y’imperuka hazabaho ibihe biruhije, bigoye kwihanganira, kuko abantu bazaba ari . . . indashima, abahemu, . . . batumvikana n’abandi, . . . bafite ubugome, . . . bagambana, ari ibyigenge, bibona.”—2 Timoteyo 3:1-4.
Nanone Bibiliya yari yaravuze ko mu minsi y’imperuka, akaduruvayo, imyigaragambyo n’imvururu zishingiye kuri politike byari kwiyongera cyane (Luka 21:9, ibisobanuro). Icyakora burya nta mvura idahita, ibyo byose bizagira iherezo.
Uko Imana izakemura icyo kibazo
Bibiliya ivuga ko Imana izakuraho ubutegetsi bw’abantu ikabusimbuza ubutegetsi bwayo.
“Imana yo mu ijuru izimika ubwami butazigera burimburwa, kandi ubwo bwami ntibuzazungurwa n’abandi bantu.”—Daniyeli 2:44.
Ubwami bw’Imana buzatuma abantu bunga ubumwe kandi buzane amahoro ku isi yose.
Umwami wabwo ari we Yesu Kristo yitwa ‘Umwami w’amahoro.’ Twizeye tudashidikanya ko azazana ‘amahoro atazagira iherezo.’—Yesaya 9:6, 7.
Ndetse no muri iki gihe abayoboke b’Ubwami bw’Imana, batangiye kwitoza kubana amahoro. Ibyo bihuje n’ibyo Bibiliya ivuga igira iti: “Inkota zabo bazazicuramo amasuka, amacumu yabo bayacuremo impabuzo. Nta gihugu kizabangurira ikindi inkota, kandi ntibazongera kwiga kurwana.”—Yesaya 2:3, 4.
Niba wifuza kumenya byinshi kurushaho, soma ingingo ivuga ngo: “Ni iki Ubwami bw’Imana buzakora?,” unarebe videwo ifite umutwe uvuga ngo: “Ubwami bw’Imana ni iki?”
Ibindi wamenya
UMUNARA W’UMURINZI
Ni iki Ubwami bw’Imana buzakora?
Yesu yari azi ko Ubwami bw’Imana ari bwo butegetsi bwonyine buzakemura ibibazo biri ku isi. Ni ibihe bintu Ubwami bwamaze gukora ku buryo buduha ikizere ko buzakora n’ibitarakorwa?
KOMEZA KUBA MASO
Kuba abantu barushaho gutakariza icyizere abanyapolitike, Bibiliya ibivugaho iki?
Bibiliya itugira inama yo gushishoza mu gihe duhitamo umuntu twiringira kandi inatwereka igisubizo cyiringirwa cy’ejo hazaza.
KOMEZA KUBA MASO
Kuki politike ituma abantu bacikamo ibice?—Ni iki Bibiliya ibivugaho?
Ibibazo bya politike bituma abantu barushaho gucikamo ibice. Ariko Bibiliya yo igaragaza ko umuti ari umuyobozi ushobora gutuma abantu bose bunga ubumwe.
UMUNARA W’UMURINZI
