UBUTUNZI BWO MU IJAMBO RY’IMANA | YOBU 16-20

Jya uhumuriza abandi kandi ubatere inkunga ukoresheje amagambo meza

FUNGURA

Jya uvuga amagambo atera abandi inkunga

Yobu yari yishwe n’agahinda kandi yihebye, ni yo mpamvu yari akeneye ko abandi bamutera inkunga kandi bakamuhumuriza
Bagenzi ba Yobu batatu nta jambo ryo kumutera inkunga bigeze bavuga. Ahubwo bamushinje ibinyoma, maze bimwongerera imihangayiko

19:2, 25

Yobu yatakambiye Imana ngo imukize, agera n’ubwo yifuza gupfa
Yobu yakomeje gutekereza ku byiringiro by’umuzuko, kandi akomeza kuba indahemuka

Elifazi:

Birashoboka ko yaturukaga mu karere ka Temani, mu gihugu cya Edomu. Muri Yeremiya 49:7 havuga ko akarere ka Temani kari ihuriro ry’abanyabwenge bo muri Edomu
Elifazi, ushobora kuba ari we wari mukuru mu ‘bahumuriza’ ba Yobu kandi akaba yari afite ubushobozi bwo kwemeza, ni we wabimburiye abandi kuvuga. Yatanze disikuru eshatu ndende kurusha abandi bagabo babiri

Ibirego by’ibinyoma:

Yagaye Yobu kubera ko yakomeje kuba indahemuka kandi avuga ko Imana itiringira abagaragu bayo (Yobu 4, 5)
Yise Yobu umwibone kandi amushinja ko adatinya Imana (Yobu 15)
Yashinje Yobu umururumba, kurenganya abandi, anavuga ko nta gaciro afite mu maso y’Imana (Yobu 22)

Biludadi:

Yakomokaga kuri Shuwa. Ashobora kuba yari aturiye uruzi rwa Ufurate
Ni we wavuze bwa kabiri. Disikuru ze eshatu zari ngufi kandi zarimo amagambo ababaza kurusha iza Elifazi

Ibirego by’ibinyoma:

Yagerageje kumvikanisha ko abahungu ba Yobu bapfuye bazize ibyaha byabo, kandi avuga ko Yobu atubahaga Imana (Yobu 8)
Yumvikanishije ko Yobu yari umunyabyaha (Yobu 18)
Yavuze ko niyo umuntu yakomeza kuba indahemuka nta cyo byaba bimaze (Yobu 25)

Zofari:

Yari Umunamati, uko bigaragara akaba yari uwo mu majyaruguru y’uburengerazuba bwa Arabiya
Yavuze ari uwa gatatu kandi ibyo yashinje Yobu byari bikaze kurushaho. Yatanze disikuru ebyiri gusa

Ibirego by’ibinyoma:

Yavuze ko amagambo Yobu yavugaga yari amanjwe, kandi amusaba kureka ibikorwa bye bibi (Yobu 11)
Yumvikanishije ko Yobu yari umunyabyaha kandi ko yakundaga gukora ibyaha (Yobu 20)

AGATABO K’ITERANIRO RY’UMURIMO

Ikinyarwanda

Jya uhumuriza abandi kandi ubatere inkunga ukoresheje amagambo meza

https://cms-imgp.jw-cdn.org/img/p/202016123/univ/art/202016123_univ_sqr_xl.jpg