Yehova ntarobanura ku butoni (Ibk 10:34, 35). Yakira abantu “bakomoka mu mahanga yose no mu miryango yose no mu moko yose n’indimi zose” (Ibh 7:9). Ni yo mpamvu abagize itorero rya gikristo batagomba kugira urwikekwe cyangwa ngo barobanure ku butoni (Yk 2:1-4). Inyigisho zo mu Ijambo ry’Imana, zituma tuba muri paradizo yo mu buryo bw’umwuka kuko zifasha abantu kugira imico myiza (Ye 11:6-9). Nidukora uko dushoboye tukarandura urwikekwe mu mutima wacu, tuzaba twigana Imana.—Efe 5:1, 2.

• Kuki inyigisho ziva ku Mana zifasha abantu kurandura ivangura n’urwikekwe kurusha imihati abantu bashyiraho?

• Ni iki kigaragaza ko abagize umuryango mpuzamahanga w’abavandimwe bihariye?

• Ni mu buhe buryo kunga ubumwe bihesha Yehova ikuzo?