Wifuza ko inshuti yawe yaba ifite iyihe mico? Wenda wifuza ko yaba ari indahemuka, igwa neza kandi igira ubuntu. Iyo mico yose Yehova arayifite (Kv 34:6; Ibk 14:17). Iyo umusenga arakumva kandi akagufasha (Zb 18:19, 35). Iyo wakoze amakosa arakubabarira (1Yh 1:9). Koko rero, Yehova ni inshuti nyanshuti.

Ni iki wakora ngo ube inshuti ye? Jya usoma Bibiliya kugira ngo umumenye neza kandi umwiringire (Zb 62:8; 142:2). Jya ukunda Umwana we n’Ubwami bwe kandi uhe agaciro amasezerano yaduhaye. Nanone uge ubwira abandi ibyo Yehova yakoze (Gut 32:3). Nuba inshuti ye, na we azakubera inshuti kugeza iteka ryose.—Zb 73:25, 26, 28.

MUREBE VIDEWO IVUGA NGO: “RUBYIRUKO—‘NIMUSOGONGERE MWIBONERE UKUNTU YEHOVA ARI MWIZA,’” HANYUMA MUSUBIZE IBI BIBAZO:

• Wakwitegura ute kwiyegurira Yehova no kubatizwa?

• Abagize itorero bagufasha bate gukorera Yehova?

• Ni mu buhe buryo umurimo wo kubwiriza utuma urushaho kuba inshuti ya Yehova?

• Ni izihe nshingano ushobora gusohoza mu murimo wa Yehova?

• Kuki ukunda Yehova?