UBUTUNZI BWO MU IJAMBO RY’IMANA | YOBU 1-5
Yobu yakomeje kuba indahemuka nubwo yari ahanganye n’ibigeragezo
Yobu yari atuye mu gihugu cya Usi, igihe Abisirayeli bari abacakara mu gihugu cya Egiputa. Nubwo Yobu atari Umwisirayeli, yasengaga Yehova mu budahemuka. Yari afite umuryango mugari, ubutunzi bwinshi kandi yarubahwaga mu gace yari atuyemo. Abantu bamufataga nk’umujyanama ukomeye kandi yacaga imanza zitabera. Yagiriraga ubuntu abakene n’abababaye. Yobu yari umugabo w’indahemuka.
Yobu yagaragaje neza ko Yehova ari we wari ufite agaciro kenshi mu buzima bwe
-
Satani na we yari azi ko Yobu ari indahemuka. Ntiyigeze ahakana ko Yobu yubahaga Yehova, ahubwo yashidikanyije ku mpamvu yabimuteraga
-
Satani yashinjaga Yobu ko akorera Imana abitewe n’inyungu zishingiye ku bwikunde
-
Kugira ngo Yehova anyomoze icyo kirego, yemereye Satani kugerageza uwo mugabo wizerwa. Satani yibasiye Yobu mu bice byose bigize imibereho ye
-
Satani amaze kubona ko Yobu akomeje kuba indahemuka, yashidikanyije no ku budahemuka bw’abantu bose
-
Yobu ntiyigeze akora icyaha cyangwa ngo agire ikindi kintu kibi agereka ku Mana
